1 Petrus 3:1 - Allah Wene Hurumbik Keron

¹ Eke hit hweap epmano hinahuni inune holtuk amiek-o. Eke it hinahuni nin Allah wene waruk elehon oke, hit inune fanoroho holtuk hisalug, Allah wene waruk amuhup-o.

1 Petrus 3:1 ပူးပေါင်းရင်းမြစ်များ

Matius 18:15

At Yesus etnowen yig isaruk wilil, “Hinomin misihen dahon etno hobam umburuk halug, ambeg lalug, hat dag neken-at sirikin-o ulug hinebe biren-at wilil yig imuk-o. Haren yig itukon epmano esanggo holtuk halug, hat homin-at welaruhu-o.

Roma 10:16

Eke wene fano wene etno yig isil laruk oke, it ninen wene fanowon etno eberoko warusa fug ari fam, at Yesayaen uruk wilil, “Nowe-o, wene yig isarukukon etno at sen hag eberoko warisi-o?” ulug ebag-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

Roma 7:2

Eke hwe ap ohowon etno ahun iluk wereg halug, inim welamag ulug yig nisaruk-o. Eke ahun etno waratuk halug, hahun hinim welamuk yig itukon etno eleg atuk-o.

1 Korintus 11:3

Eke ari halug hit hiniluk amuhuben wene misig eberihion du yig hisaruk ahi-o. Eke it yi ap di ap epmano inungguluag neken At Kristus akeleg-at wereg-o. Eke it hweap inungguluag neken ari inahuni-at wereg-o. Eke At Kristus ungguluag neken At Allah-at wereg-o.

1 Korintus 14:34

Eke it Allah udaki o ahik ya da wereg epmano hag, wene uruk wilil, it hweap hinanggelegma werehon epmano inune eleg-at bok welamag-o. Iren wene uruk am nowen-o. Eke it ariroho seberoho welamag ulug ari it Yahudi aben duroho suruk amuk eke duroho suruk am fug ulug ebahon etno fam yig nisaruk-o.

1 Korintus 7:16

Eke hat hwe du, nahun ili wahuk fug ano? ulug hahla buruk am fug-o. Eke hat ap du, nuhwe ili wahuk fug ano? ulug hahla buruk am fug-o.

Efesus 5:33

Eke ariroho yig nisaruk oke, eke hit ariroho welamon etno inim-at yig hisaruk-o, eke ari halug, it aben inonggareg inaso wereg etno hag inuhwesi inindi hunduhuk welamag-o, eke it hweaben inahuni inune holtuk amag-o.

Kolose 3:18

Eke hit hweap halug, hinahuni inune holtuk amuhup-o. Eke hit hinebe At Kristus aholani neken welahep halug, ariroho-at inune holtuk amuhup-o.

Kolose 4:5

Eke it Allah wene awan waruk elehon epmano yig isaruk wilil, kidia yig isuk fano-o, ulug hinahla buhupseg, orog-at yig isaruk amuhup-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

Ibrani 11:8

Eke at Abraham etno Allahen yig ituk wilil, “Hat hudaki hetamuki unde welamuhup ambeg epmano-at lag-o,” ulug wol haruk apagma, indimuen demat ulug ebetuk apareg, esanggo holfag. Holtuk apareg, o lao ambeg epmano apelehon oke, arat lebag.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 3:2

Iren, an nuhwe du an nune holtukmu nahien haruk ahi-o ulug uruk amag ulug, hinune dahon uk fug-o.

1 Petrus 3:7

Eke hit ap etnowen, nuhwe du oag elehon wereg-o, ulug hinahla buruk wilil, hinuhwesi hinim fanoroho wilil, hinahien inobam umburuk amuk-o. Hinuhwesi hinim fano weregma, fobik At Allahen hiniluk welamon etno og hisahu-o. Eke hiren sembahyang uruk wilil, hinindi fanoroho welamuk-o.

1 Petrus 4:17

Eke horog kidia aphe oag deloko imbisahu halug, it Allah udaki epmano hag bilin-at inaren baluhu-o. Eke nit bilin-at ninaren baluhureg, it Allah wene fano wene waruk elehon epmano fobik keroho inaren baloko imbisahu-o?