1 Petrus 2:24 - Allah Wene Hurumbik Keron

²⁴ Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 2:24 ပူးပေါင်းရင်းမြစ်များ

Matius 27:26

Yig ituk apagma, at Pilatus etnowen Barabas etno arat hibil isaruk apareg, At Yesus etno yikangge wabukag ulug osi sehen seneg werehon yig isebag. Yig isaruk apareg, it osi sehen seneg werehon epmanowen At Yesus e fam lenggaloko umbukag ulug arat og isebag.

Matius 5:20

Eke it holal unde wereg epmano inim, it Fari­si ap inimen fanoroho surukon ari, we dorat fano suruk-o. Hit fano surukon ari suroho suruk eleg hisalug, boholma Allah we­regma lahup fug-o, ulug An demat yig hisaruk ahi-o,” ulug yig isebag.

Matius 8:17

Ariroho sebag ari, amuk at nabi Yesaya etnowen hurumbik yig isaruk wilil, “Uk ninidimu werehon epmano Aren ninonggo balfareg fam niren uk hundutuk aheon epmano Aren elehep nisaharisi-o,” ulug ebahon etno demat ebag ulug inahla bukag ulug At Yesusen ariroho sebag.

Markus 15:15

Inune ineroho-at yig ituk apagma, at Pilatus etnowen it aphe wonggalfahon epmano inindi fano amag ulug at Barabas etno arat hele hibil isebag. Hibil isaruk apareg, at Pilatus etnowen Yesus etno ap sehen unde epmanowen e fam lenggaloko umbukag ulug arat og isebag.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 19:1

Yig ituk apagma, At Yesus etno hele lambisog fam wabukag ulug at Pilatus etnowen og isebag.

Kisah Para Rasul 10:35

Ariroho weregma, nit At ebe ninakoltoho wilil, fano mondog suruk nisalug, Aren nudaki ulug nit yi aphe di aphe kweanma werehon obog-at heahi war ninaptuk-o.

Kisah Para Rasul 10:39

Ariroho sil nuruk wilil, it Yahudi ap wereg ambeg inim, eke o Yerusalem inim obog-at sil nurukmu, ninilanggen harukukseg, yig hisaruk ahe-o, eke fobik At ebe etno e fam lenggaloko umburusareg, watusa-o.

Kisah Para Rasul 13:29

Eke Allah wene fam hurumbik ebahon etno obog-at obam umburusareg, ebe e fam lenggaloko umburuson etno walug o wikelma etno kolapfurusa-o.

Kisah Para Rasul 5:30

Eke bilin hiren At Yesus e fam lenggaloko umbulug watikipmu, it ninetamuki epmano Inikni Allahen iluksoho minduhupfirisi-o.

Roma 6:11

Eke ari halug, hiren nit dag suruk aheon epmano sohorep isuog ulug warehon neken welaheon oke, At Kristus Yesus ninim wilil, At Allah ninim welamuog ulug niniluk welahe-o, ulug hinindi eberiuk-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 6:16

Eke an yig hisaminon du hiniluk welamuk-o. Eke hiren ap misig une hinesanggo holuog ulug apma seberoho welamuhup halug, ap une hinesanggo holtuk amuhubon etno anggimbu-at welamuhup-o. Eke ariroho wilil, dag urukon epmano apma seberoho welamuhup halug, mondog-at waramuhup-o. Eke At Allah une holtuk wilil apma seberoho welamuhup halug, At hinim-at fanoroho wilil dambuksoho welamuhup-o.

Roma 6:2

Ari eleg-o. Eke nit hag dag suruk aheon epmano sohorep isuog ulug waratukukseg fam, keroho dag-at suruk amuhuk-o?

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 6:7

Eke ap misig waratuk halug, alem aren dag surukon etno eleg atuk-o.

Roma 7:6

Eke it hweap inahuni waratukmu suhwe wereg etno hag, wene duroho suruk amuk eke duroho suruk am fug ulug ebahon etno fam hele war ninapahon etno ninim welam sohorep isarukuk-o. Eke ari halug, wene duroho suruk amuk eke duroho suruk am fug ulug ebahon wene holal balfahon etno alem amukon at-o ulug ninahla buruk wilil, anggimbu neken welam sohorep isalug, kidia At Roh Kudusen yig nisarukon etno hag alem keron at-o ulug anggimbu welahe-o.

1 Korintus 15:3

Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.

2 Korintus 6:17

“It epmano sohorep isalug, hinim hinakeleg sik welamuk-o. Eke ariroho hinakeleg hinakeleg wilil, dahon werehon epmano senetuk eleg hisalug, Anden endag hinabuhuk-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Efesus 5:9

Eke o seleg ari, At Roh Kudus etnowen yi angge di angge fanoroho surukon inim, eke hinobabut motoho surukon etno inim, eke demat wene urukon etno inim obog-at yanggul hisaruk-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Kolose 2:14

Hit dag suruk atikibon epmano hinaholal baleg weregma oag del hinaplep oke, eke hit hinaholal etno senetuk apareg, e salib etno fam warepfebag-o. Warepfuruk apareg, hit dag suruk atikibon epmano hinapelegsoho At apma hinombisahabag-o.

Kolose 2:20

Eke At Kristus warapag etno hag hit hinindi amukon etno sohorep isarikipseg oke, keroho ulug it yi ap di ap kweanmon inune holtuk ahep-o? Eke keroho ulug it kweanma suon neken werehon epmano inobam hinindi ebetuk ahep-o?

Kolose 3:3

Eke hit hinindi dahon At Kristus inuk fam sohorep isarikip halug, At Kristus hinim wilil, Allah apma-at welahep-o.

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

Ibrani 10:5

Elehap inaptuk eleg etno fam, At Kristus o kweanma duma ambik wariog ulug ahla bebareg, At Allah yig ituk wilil, “Yi angge di angge Allah ake umburukon epmano inim, eke wam waroko Allah ake hondok yalukon epmano inim wao ari hambit haruk ahen oke, eke An nebe etno hag Allah ake ulug nombaharikin-o.

Ibrani 12:13

Ariroho suruk wilil, hinonggalem motoho-at yag saruk amuk-o. Ariroho yag saruk amuhup halug, hiniog dahon epmano sowani yako wateheg eleg, fano-at lahup-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Yakobus 5:16

Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 3:7

Nomini-o, at misihen hinindi kahaluk nowen-o. At Kristus obabut fano wereg etno hag, eke at misihen fano suruk halug, obabut fano wereg-o.

Wahyu 22:2

Ik etno o bulke amburukmu, femag femag e iniluk welamon etno yaho weregma heag nitisi-o. E etno bikalem dua bel­as fam anggen misig misig-at yihirukon heag nitisi-o. E etno engga fam it yi aphe di aphe inungguluag obog fano inabukag ulug weregma heag nitisi-o.