1 Petrus 2:23 - Allah Wene Hurumbik Keron

²³ Eke iren dahon obam embebahon oke, Aren dahon hinobam umbuhuk ulug ebag fug-o. Nikni Allahen oag deloko onggo dagma imbisahu-o, ulug ahla bebag.

1 Petrus 2:23 ပူးပေါင်းရင်းမြစ်များ

Lukas 23:41

nit biren hag dag surukuk etno fam onggo ulug e fam lenggaloko ninombisahakesa-o. Eke At ap du hag dag sirisi fuhon oke, e fam lenggaloko embehesa-o,” ulug yig ituk apareg,

Lukas 23:46

Kahal atuk apagma, At Yesus etno une suon uruk wilil, “Nikni-o, An nahut Haren wimin-o,” ulug uruk apareg, warapag.

Lukas 23:9

Ariroho ahien suruk apareg, at Herodesen Yesus etno yig ituk wilil, dahagsepfeheg hinog webahon oke, At Yesusen etno une dot yig epag fug.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Kisah Para Rasul 4:29

Ninikni-o, eke kidia it hanggimbu epmanowen aphe wene yig isa fug ulug uruson oke, eke iren hawene etno yig isawag ulug, it inindi inakol elehon etno og isimin.

Kisah Para Rasul 7:59

Umbulug laruk apagma, at Stefanus Allah obam sembahyang uruk wilil, “Yesus Nowe-o, an nahut etno Haren og nabin-o,” ulug yig itukmu, at ebe helep fam watuk iseheg,

Kisah Para Rasul 9:1

Eke fobik at Saulus etnowen it aphe Allah wene warukon epmano inusil laruk wilil, at ap imam suon etno ambeg laruk apareg,

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

Efesus 6:9

Eke hit hinanggimbu iniknisi ari hag, it hinanggimbu epmano hinune fanoroho-at yig isaruk amuk-o. Eke inusuog ulug hinune fanggogsoho yig isaruk ahebon etno sohorep isiek-o. Eke hit inim, it hinanggimbu etno inim, At Hinowe boholma misig-at wereg-o. Eke Aren it aphe kweanmon epmano nin dag nin fano ulug uruk eleg-o, obog ilitoho-at yig isaruk-o.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 12:3

Eke At Yesus etno it ap dahonen inambit haruk wilil, inune dahon obam embebahon epmano hinindi ebetuk amuk-o. Ariroho ebetuk wilil, hinindi oag weregsoho welamuhuben hinahlahiroho-at welamuk-o.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.

1 Petrus 4:19

dahon etno hinobam umburuk isalug, hinindi seneni ebebuk fug-o. At Allah ahla burukon etno ilitoho suruk-o, ulug hinindi ebetuk wilil, fano surukon etno-at suruk ahe-o, ulug hinahla bugsoho welamiek-o. Ariroho wilil, At ninebe wal hebahon etnowen abug fanowon yig nisarision etno suhu-o, ulug hinindi ebetuk amiek-o.

Wahyu 19:11

Eke fobik boholma sok husig weregma nilanggen lahap haruk atikik­mu, wam kuda huluon misig waharisi-o. Waharukmu, wam etno amboloag fam ap misig waharisi-o. At ap waharision etno inuk Demat urukon soaleg welatisi-o. Inuk Demat soalehon etnowen aphe fano­roho-at inoag deloko imbisaruk wilil, yuhun-at o dagma imbisa­ruk atisi fug-o.