1 Petrus 2:12 - Allah Wene Hurumbik Keron

¹² Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 2:12 ပူးပေါင်းရင်းမြစ်များ

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

Matius 5:11

Eke hiren An ninuk yig isarukmu iren mug hinaplug laruk wilil, hinenggali war hinabeheg, eke hinobam denggeleheg, eke hinabug baleheg suruk isalug, wa.

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Lukas 1:68

“Hit Israel ap du Ninikni Allahen At udaki epmano yalmako ninombisaharisireg fam, At inuk suontepfuk-o.

Lukas 19:44

War hinaptuk wilil, hinibam inim mondog mialtuk amuhupmu, helep obam dambuk falehon epmano inim welaruhu fug-o. Eke At Allah etno hit hinabuen hinili wawon wene etno yig hisa waharision oke, hit hinindi At obam ebetuk ahep fug ari famen ariroho suhu-o,” ulug At Yesusen yig isebag.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Yohanes 13:31

At Yudas etno wilip atuk apagma, At Yesusen yig isaruk wilil, “An Allahen minduhup naharision suon welamag ulug minduhup nahukon etno arat fanggog ehek-o. Ariroho fanggog uruk wilil, Anden sukon etno fam At Allah inuk suontepfukon etno inim-at fanggog ehek-o.

Kisah Para Rasul 15:14

At Simon bilin ehek ari, At Allahen it Allah wene waruk elehon inanggelegmen At udaki ful inaptision epmano yig nisehek-o.

Kisah Para Rasul 24:13

Eke kidia nobam denggeleheson ari inim demat yig himuhup fug-o.

Kisah Para Rasul 25:7

Yig isaruk atisimu, at Paulus etno inambeg waharuk atisireg weregma, it Yahudi ap o Yerusalemen waharuson epmano inim horogsoho minduhuk wilil, inune dahon obam denggeluog ulug alem elehon inenggal-at heako yig itusa.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Roma 12:17

Eke at ap misihen dahon etno hobam umburuk halug, hiren dahon etno onggo obam umbuk fug-o.

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 15:9

eke it ap bilin Allah wene inapeleg welatuson epmanowen At Allahen ninabua nisarisi etno wa ulug inahla buruk wilil inuk suontepfukag ulug seheg suruk apag-o. Eke alem ari fam Alkitab wene holal baleg etnowen yig nisaruk wilil,

1 Korintus 14:25

aren indimu herako ebetukon epmano selegma atuk aruhureg, ut kunukseg wilil, o duma At Allah ebe demat hinim welahep hisihi-o, ulug At Allah obam sembahyang uhu-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 13:7

Eke hiren dag suk nowen ulug At Allah obam sembahyang uruk ahi-o. Eke hiren at Paulus hag demat irisi ulug hinahla bukag ulug uruk ahi fug-o. Eke hiren at Paulus demat irisi ulug uhup fug halug, ari fano at-o. We hit hag fanoroho suruk amag ulug yig hisaruk ahi-o.

2 Korintus 8:21

Ariroho suruk ahe ari, At Allah il fam inim, eke it aphe inil fam inim motoho-at suog ulug suruk ahe-o.

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 4:8

Eke yi angge di angge fanowon inim, eke ari suk fano ulug urukon etno inim, eke demat urukon etno inim eke fanoroho surukon etno inim eke motoho surukon etno inim eke sabele elehon etno inim eke ninindi hunduhuk welamon etno inim eke it apheyen ari fano ulug suontepfukon etno inim eke yi angge di angge arion-at huluog ulug hinindi ebetuk amuk-o.

1 Tesalonika 4:12

Eke hiren ariroho suruk hiseheg, it Allah wene inapelehon epmanowen inil hisaruk amuhupseg, it ap du fano-at suruk-o ulug inahla buhup-o. Eke hit yi angge di angge eleg halug, iren og hisa nowen ulug hininggiken hineyabuk holaruk amiek-o.

1 Timotius 2:2

Eke nit fano mondog wilil, Allah wene weheg eke ninobabut fanoroho seheg suruk amuhuken ulug, it ap suon-suon inim, eke it yi aphe di aphe inowesi epmano inim inake sembahyang uruk amuk-o.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Ibrani 13:18

Eke hiren nit ninake sembahyang uruk amuk-o. Eke nintul nantul fanoroho-at suruk amuk ulug ninahla buruk ahe etno fam, alem misig dahan fahan surukuk ulug ninahla buruk ahe fug-o.

Ibrani 13:5

Eke hiren hinaharek erlog wereg heheg, uang nin obam umbukon ulug nindi nindi il nuruk am fug-o. Eke At Allahen yig hisaruk wilil, “Anden sohorep hisaharuk aruhuk fug-o,” ulug ebag etno fam,

Yakobus 3:13

Eke ap indi enggaron misig hinim welahep ano eleg ano? Ebe wereg halug, indi enggatoho wilil, yi angge di angge fanoroho seheg, obabut fano mondog wilil onggarehen seberepateheg suruk halug, ap arion-at welamag-o.

1 Petrus 2:15

Eke it aphe yuhun-at inenggal urukon epmano inune eleg amag ulug At Allahen, fanoroho suruk amiek-o, ulug yig hisaruk wereg-o.

1 Petrus 3:16

Yig isaruk wilil, hinune winimug yig iseheg eleg-at yig isimuk-o. Eke hiren hinobam denggelepata fug-o. It ninen inune dahon hinobam uruk wilil, “At Kristus udaki dag suruk duma yet isimiek-o,” ulug uruk isalug, fobik inenggali hahup-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?