1 Petrus 1:8 - Allah Wene Hurumbik Keron

⁸ Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,

1 Petrus 1:8 ပူးပေါင်းရင်းမြစ်များ

Matius 10:37

Eke ap misihen An nebe indi hunduhuk welam sohorep isalug, ikni isina-at indi hunduhuk wereg halug ari, An ninim welam hai aruhu-o. Eke ap misihen An nebe indi hunduhuk welam sohorep isalug, amloho ahaloho-at indi hunduhuk wereg halug ari, An ninim welam hai aruhu-o.

Yohanes 14:15

Eke fobik At Yesusen yig isaruk wilil, “Hiren An nebe hinindi hunduhuk welahep halug, An nawene etno hiniluk wilil, ilitoho suruk amuhup-o.

Yohanes 14:21

Eke it aphe An nawene eberoko walug, ilitoho surukon epmano An nobam inindi hunduhuk wereg-o. Eke it An nobam inindi hunduhuk werehon epmano An Niknien inobam indi hunduhuk wereg-o. Eke Anden inim-at inobam nindi hunduhuk wilil, nawene etno obog-at bukaloko yig isahuk-o,” ulug yig isebag.

Yohanes 14:24

Eke it yi aphe di aphe An nobam inindi hunduhuk elehon epmano Anden wene yig isaruk ahion oke, inesanggo holtuk eleg-o. Eke hit wene hinesanggo holtuk ahebon epmano, An nakelehen-at yig hisarukmu holtuk ahep fug-o. At An Nikni lahap nabik waharision etno ninimen-at yig hisarukmu, hinesanggo holtuk ahep-o.

Yohanes 16:22

Eke at hwe etno bilin indi dag atukon oke, fobik ahien haruk etno hag, hit ariroho suruk ahep-o. Hit hinebe kidia hinindi dag atuk ahep oke, fobik hinindimu hinahien harukmu nilanggen hisahuk-o. Ariroho hinahien hahubon etno at ap misihen elehep hisahaku fug-o.

Yohanes 20:29

Yig ituk apagma, At Yesusen yig ituk wilil, “Hat An nobam hilanggen neyehen etno, demat ulug ebetuk ahen oke, eke it aphe nin fobik An nebe inilanggen nealug eleg-at inindi demat ulug ebetuk amuhubon epmano inahien haruk amuhup-o,” ulug yig epag.

Yohanes 8:42

Yig ituk apagma At Yesusen yig isaruk wilil, “Hit Hinikni At Allah welatlepmen, An nebe hinindi hunduhuk welatlep-o. Eke An nebe etno At Allah wereg ambehen ambik waharikikseg, kidia duma welahi-o. Eke An nebe ambik waharikik ari, nenggareg nindien bulug-at ambik waharikik fug-o. At Niknien-at lahap nabik waharisi-o.

Kisah Para Rasul 16:34

Ikma belap inaptuk atusama, it Paulus Silas inim at ibam welamag ulug og inaplug larisireg, inaharom menag isarisi. Ariroho inim wilil, “Nit Allah wene wehe-o,” ulug at omini inim inahientoho welatusa.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

1 Korintus 16:22

Eke at misig At Ninowe etno obam indi hunduhuk elehon halug, wene homali etno obam welamag-o. Eke At Ninowe wamon etno aso welamuk-o!

2 Korintus 1:22

Eke aren og hisahuk ulug abug yig nisebahon etno demat og nisahu ulug ninahla bukag ulug At Roh Kudus etno ninindimu og nisarisi-o.

2 Korintus 12:4

Eke ariroho walug lahabagma, eke yi angge di angge inune aphe inambiliken uk haion-at oke esanggo holfag-o.

2 Korintus 4:18

Eke yi angge di angge ninilangge isaruk ahe fuhon etno hag huluog ulug ninahla buruk ahe-o. Eke yi angge di angge ninilanggen isaruk aheon ari fahe eleg atuk oke, yi angge di angge ninilanggen isaruk ahe fuhon ari initog mondog-at welamuhup-o.

2 Korintus 5:7

Eke ariroho ninebe niniluk wilil og nisahuon etno ninilanggen haruk ahe fuhon oke, demat ulug ninindi ebetuk ahe-o.

2 Korintus 9:15

Eke At Allahen yi angge di angge anggolo og nisarukon oke, niren onggo hai atuk etno fam wa ulug yig ituk amuk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Efesus 3:19

Eke At Kristusen ninobam indi hunduhuk werehon etno niren obogsoho ebebuk fug oke, obog-at hiniluk am ari fano-o. Ariroho hiniluk wereg hisalug, At Allahen hinim welamon etno hinindimu kelegsoho-at og hisahu-o.

Efesus 6:24

Eke hit obog nintul nantul At Ninowe Yesus Kristus hinindi mondog hunduhuk welahebon etno At Allahen hinabua hisawag ulug yig hisihi-o.

Filipi 1:25

Eke ariroho buruk ahi ari fam, nebe niluk welaruhuk ari demat ulug nahla buruk ahi-o. Ariroho hinim wilil hinindi oag werehep hisahakeg, eke Allah wene eberoko waruk hisalug hinindi hinahientoho welamag ulug yig hiseheg suruk aruhuk-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Filipi 4:4

Eke At Allahen og hisaruk etno fam hinindi hinahien haruk amuk-o. Eke hit hinindi hinahien haruk amag ulug misihim inim dahagsoho yig hisaruk ahi-o.

Ibrani 11:1

Eke yi angge di angge fanoroho suhu ulug ninahla buruk aheon epmano inim, yi angge di angge haruk ahe fuhon epmano inim, niren demat ulug ninindi ebetuk ahe etno fam obog-at niniluk atuk-o.

Ibrani 11:27

Eke at Musa etno indi demat ulug ebetuk wilil, at Firaun etnowen winimug umon etno akol eleg-at welapag. Ariroho wilil, at ebe o Mesiren wilip apag-o. Wilip atuk apareg, At Allah ninilanggen haruk ahe fuhon etno ilanggen haruk neken wilil, an niog suhuluk lao nambit-o, ulug ahla bebag-o.

1 Petrus 1:6

Og hisawon epmano weregma, kidia-at hinahien haruk amiek-o. Eke kidia it ninen yi dag di dag hinobam umburukmu ioba yatuk neken welahep oke,

1 Petrus 2:7

hit Allah wene waruk ahebon epmanowen, “O wut oag du fanowon-at hehe-o,” ulug uruk ahebon oke, eke wene holal misig du wereg-o, “It o faltukon epmanowen o wut oag du sohorep isul uruson oke, eke Anden o wut oag ulug minduhupfirikik-o,” ulug ariroho ebag.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.