1 Petrus 1:6 - Allah Wene Hurumbik Keron

⁶ Og hisawon epmano weregma, kidia-at hinahien haruk amiek-o. Eke kidia it ninen yi dag di dag hinobam umburukmu ioba yatuk neken welahep oke,

1 Petrus 1:6 ပူးပေါင်းရင်းမြစ်များ

Matius 11:28

Uruk apa­reg, eke fobik yig isaruk wilil, “Eke hit obog hinobam anggi­non epmano weregma, hinambol ele atukon halug, An nambeg waharuk amuhupseg, ninim weregma, Anden sat yal hinaptuk aru­huk-o.

Matius 26:37

Laruk apareg, At etno indi dag atuk wilil, akol anggolo hebag.

Matius 5:12

Eke hit hinebe elegma, bilin ariroho it nabi ap etno mug inaplug lebag-o. Ari fam, hit hinindi seroho wilil, hinahien haruk amuk-o. Onggo boholmen suon-at og hisa­hu-o,” ulug yig isebag.

Lukas 1:47

At Allah nili warukon etno obam nahien haruk ahi-o.

Lukas 10:20

Eke it setanen hinune holtukon ari fam hinahien haruk am fug-o. At boholmen hininuk holal imbirision etno fam hinahien haruk amuk-o,” ulug yig isebag.

Lukas 2:10

Inakol haruk apagma, at malaikat etnowen, “Hinakol ha fug-o. An wene fano wene ari aphe obog farim walug wahi-o. Inesanggo holuhupseg, inahien hahup-o.

Yohanes 16:22

Eke at hwe etno bilin indi dag atukon oke, fobik ahien haruk etno hag, hit ariroho suruk ahep-o. Hit hinebe kidia hinindi dag atuk ahep oke, fobik hinindimu hinahien harukmu nilanggen hisahuk-o. Ariroho hinahien hahubon etno at ap misihen elehep hisahaku fug-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 5:11

Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 9:2

Eke anden yig hipmin ari, it an nomini nungguluahon epmano farim nintul nantul ioba yatuk wilil, nindi mondog dag atuk-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Filipi 2:26

Eke at Epafroditus etno ninim yabuk sat anggoloroho suruk atukukmu, eke hiren an yalmag nabuog ulug nambeg lahapfik waharikip-o. Eke at Epafroditus etno hit obog bik hisiog ulug indi ebetukmu, eke hiren at Epafroditus uk wareg ulug hinesanggo holtikip etno fam, it keroho inahla buhup ulug indi seneni ebetuk-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Filipi 4:4

Eke At Allahen og hisaruk etno fam hinindi hinahien haruk amuk-o. Eke hit hinindi hinahien haruk amag ulug misihim inim dahagsoho yig hisaruk ahi-o.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

Yakobus 1:2

Nomini, hit dahon hinobam umburuk isalug, hinahientoho welamuk-o.

Yakobus 1:9

Eke at ninomin aharek elehon etno At Allahen yi angge di angge og ituk halug, indi ahien hawag-o.

Yakobus 4:9

Eke hit hinebe hinindi dag atuk wilil, ioba yatuk amiek-o. Eke unda yatuk ahebon epmano sohorep isalug, ioba yatuk amiek-o. Eke hinahien suruk ahebon epmano sohorep isalug, At Allah il fam, an dag-at suruk ahi-o, ulug hinindi seberoho welamiek-o.

1 Petrus 3:17

Eke hit fano surukmu inune dahon hinobam umburukmu, hiren fano at-o ulug uruk amuk-o. Hit dag surukmu inune dahon hinobam umburuk etno hiniluk-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.