1 Petrus 1:3 - Allah Wene Hurumbik Keron

³ Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 1:3 ပူးပေါင်းရင်းမြစ်များ

Yohanes 1:13

Ariroho yig isebag ari, it aphe kweanmon inudaki endag atuk etno hag, At Allah udaki ulug endag apag fug-o. At Inikni Allahen-at endag inapag-o.

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

Roma 8:24

Eke bilin ninili warisi ari hag, fobik ariroho-at ninili wahu ulug ninahla buruk ahe-o. Eke yi angge di angge og nisahu ulug ninahla buruk aheon etno kidia ninilanggen halug, fobik og nisahu ulug ninahla buruk ahe fug-o. Eke ap misig yi angge di angge kidia ilanggen harukon epmano og niruhu ulug ahla buruk eleg-o.

1 Korintus 13:13

Eke ari halug, ninindi demat ulug ebetuk aheon epmano inim, eke fobik suhu ulug ninahla buruk aheon etno inim, eke ninindi hunduhuk welaheon epmano inim, alem henahan ari mondog wereg-o. Eke ariroho wereg oke, ninindi hunduhuk welaheon epmano alem suon-at wereg-o.

1 Korintus 15:20

Eke kidia, At Kristus it warehon wereg ambeg epmano inanggelegmen bilin arat minduhupfebag-o.

2 Korintus 1:3

At Allah Ninowe Yesus Kristus Ikni etnowen nit ninabua nisaruk wilil, yalmag ninaptukon etno wa ulug yig imuk-o.

Galatia 6:16

Eke hit an wene holal fam yig hisihion du-at mutlug laruk hisalug, At Allah udaki obog hinim At Allahen dambuk hinaptuk wilil, ahmu hisawag ulug yig hisihi-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 1:3

Eke At Allah Ninowe Yesus Kristus Ikni etno wa ulug yig imuk-o. Eke nit At Kristus ninim wereg nisalug, At Allah ahien ninobam umburuk wilil, yi angge di angge boholmon epmano obog-at og nisaruk-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 2:4

Ariroho suruk nisalug, At Allah asine ninobam umburuk heheg welatukuk-o.

Efesus 3:20

Eke At Allah ninindi yabuk oag weregsoho surukon etno niren kino uruk wilil obam sembahyang uruk nisalug, niren ninindi ebetuk aheon epmano obam seberoho og nisiog ulug ahla buruk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 4:13

Nomini-o, it hinomini waratuson epmano keroho wereg ulug hiniluk amagsoho yig hisul-o. Eke it aphe ninen, it warehon minamuhup fug-o, ulug inahla buruk wilil inindi dag atuk etno hag, hit ariroho dag am nowen ulug yig hisul-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

1 Timotius 1:14

Nabua nearuk atisireg, At Ninowe etnowen nit At Kristus Yesus ninim welaheon epmano Aren angge anggolo og nisarisireg, Allah wene demat ulug ebetukon etno inim, eke aphe ninindi hunduhuk welaheon etno inim og nisaruk-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Petrus 1:23

Allah wene iniluk inaptukon etno warikip halug, hinebe keron neken endag atikipseg fam, At Ninikni Allah iluk mondog werehon etnowen endag hinaptisi-o.

1 Petrus 2:2

Eke udag doronen isina ag naruk hag, hit At Roh Kudusen yanggul hisarukon wene etno mondog holaruk weregma etno fam hinindi werehep hisahalug hinili wahu-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

1 Petrus 3:5

Eke ariroho it hweap amuk Allah wene webahon epmano suruk apag; inobabut fano amag ulug, inahuni inune holtuk apag-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.

1 Yohanes 3:9

Eke it obog Allah udakion halug, dag suruk eleg-o. Inikni Allah ilitoho atusa halug, dag suruk inapeleg atisi-o.

1 Yohanes 4:7

Nomini-o, ninomini ninim hunduhuk welatukon etno alem Allah at-o. Ninomini ninim hunduhuk welahe halug, At Allah niniluk wilil, At udaki-at welahe-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

1 Yohanes 5:18

It Allah udakion halug, yi dag di dag surukon etno sohorep isalug, fobik dag seheg eleg-at welamuhup-o. Eke at setanen dahap isahu fug-o. At Allah Amloho etnowen ninili waruk ari demat ulug niniluk atuk-o.

1 Yohanes 5:4

Abutseon yig nisarukon ari, ilitoho suruk wilil, eke it Allah udaki halug kweanmen sukon etno apmarepfuruk-o. Allah wene demat ulug ebetuk ahe halug, kweanmen sukon etno seberepfulug apmarepfuruk ahe-o.