1 Petrus 1:22 - Allah Wene Hurumbik Keron

²² Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 1:22 ပူးပေါင်းရင်းမြစ်များ

Yohanes 15:17

Eke An ariroho yig hisihi ari, hit hit hinindi hunduhuk welamag ulug yig hisihi-o,” ulug yig isebag.

Yohanes 15:3

Eke engga buhon inim, il inim kisiloko imbisaruk etno hag, Anden wene yig hisaruk atikik etno fam arat hinindi ho hinaptikik-o.

Yohanes 17:17

Ari halug, it epmano Hat hudaki welamag ulug wene demat uruk amon etno yanggul isaruk amin-o. Eke wene demat urukon etno Hat hawene at-o.

Yohanes 17:19

Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 2:8

eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

Galatia 3:1

Hit Galatia ap urunangge du wai. Hit wene demat uruk ahebon etno hinapeleg amag ulug at sen enggal-at yig hisarisi-o? Eke At Yesus Kristus e fam lenggaloko warepfebahon etno hinil fam fikfag yangguloko yig hisarusa fug ano?

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Galatia 5:7

Eke hit bilin At Yesus obam ebetikibon oke, wene demat urukon etno hinesanggo holuk nowen ulug at sen hinindi kahalik waharisi-o?

Efesus 4:3

Eke At Roh Kudus etnowen dambuksoho hinombisaharuk halug, hinebe misig-at welamuk-o.

Filipi 1:9

Eke an hit hinake sembahyang uruk wilil, duroho uruk ahi-o, hit hinindi hunduhuk welamon etno inim, eke yi wene di wene obog-at hiniluk amon etno inim, eke du fano du dag ulug hinindimuen ebebukon etno inim, obog-at su amag ulug hinake sembahyang uruk ahi-o.

1 Tesalonika 3:12

Eke niren hinobam ninindi hunduhuk welahe etno hag, hinomini hinim hunduhuk welamon etno inim, eke it aphe obog hinim hunduhuk welamon etno inim, At Ninowe etnowen anggolo og hisawag ulug sembahyang uruk ahe-o. Ariroho og hisahu halug, hinindi oag werehep hisahaku-o. Eke ariroho og hisaruk aruhumu, hinobabut fano mondog welamuhup-o. Ariroho wereg hisalug, At Ninowe udaki epmano obog inim waharuk amuhupmu, At Ninikni Allah il fam hit hinindi fano mondog welamuhup-o.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

1 Timotius 1:3

Nomin-o, an bilin o Makedonia liog ulug yig hitikik etno ilitoho, kidia o Efesus welamag ulug yig hituk ahi-o. Eke o epma it aphe ninen inenggal wene yig isaruk halug, haren winimug isaruk amuk-o.

1 Timotius 1:5

Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

1 Timotius 5:2

Eke it hweap inanggohon epmano hisasi ilitoho yig isaruk amin-o. Eke it holani duhumon epmano hat haholani ilitoho yig isaruk amin-o.

2 Timotius 1:14

Eke oag werehon etno og nisaruk halug, yi angge di angge fanowon og hitision etno fanoroho seneg welaruhun-o.

Ibrani 11:8

Eke at Abraham etno Allahen yig ituk wilil, “Hat hudaki hetamuki unde welamuhup ambeg epmano-at lag-o,” ulug wol haruk apagma, indimuen demat ulug ebetuk apareg, esanggo holfag. Holtuk apareg, o lao ambeg epmano apelehon oke, arat lebag.

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Yakobus 1:21

Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 2:17

Eke it hinomini hinim, yi aphe di aphe obog-at hinim hinindi hunduhuk welamiek-o. At Allah anggimbu wilil, at hinowe apma welamiek-o.

1 Petrus 3:1

Eke hit hweap epmano hinahuni inune holtuk amiek-o. Eke it hinahuni nin Allah wene waruk elehon oke, hit inune fanoroho holtuk hisalug, Allah wene waruk amuhup-o.

1 Petrus 3:20

Yig isa lebag etno it amuk Allah une holtuk apag fuhon etno-at yig isa lebag. Ari at Nuh etno so faltukmu, At Allahen aphe obog inaso welapareg, fobik inebe sirehen angge-at iken war inabuk nowen ulug inili webag.

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

1 Petrus 4:17

Eke horog kidia aphe oag deloko imbisahu halug, it Allah udaki epmano hag bilin-at inaren baluhu-o. Eke nit bilin-at ninaren baluhureg, it Allah wene fano wene waruk elehon epmano fobik keroho inaren baloko imbisahu-o?

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

2 Petrus 1:7

ninindi fanowon etno holahukseg, fobik ninomini ninindi hunduhuk welamon etno holahuk-o, ninomini ninindi hunduhuk welamon etno holahukseg, fobik yi aphe di aphe ninindi hunduhuk welamon etno holahuk-o.

1 Yohanes 3:11

Eke ninomini at misihen nindi eheg, at misihen nindi eheg nit sukag ulug, wene etno amuken yig nisebag-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.

1 Yohanes 4:20

Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

1 Yohanes 4:7

Nomini-o, ninomini ninim hunduhuk welatukon etno alem Allah at-o. Ninomini ninim hunduhuk welahe halug, At Allah niniluk wilil, At udaki-at welahe-o.

Wahyu 2:4

Ariroho sirikip ari fano-at oke, eke alem misig du fam hinesanggo warik-o. Wene ebe ari, hit bilin An ninim hinindi hunduhuk welatikibon oke, kidia dorat neken ninim ninindi hunduhuk welahe-o.