1 Petrus 1:21 - Allah Wene Hurumbik Keron

²¹ Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Petrus 1:21 ပူးပေါင်းရင်းမြစ်များ

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Yohanes 12:44

Eke fobik At Yesus etno une suon yig isaruk wilil, “It yi aphe di aphe obohen An nobam ebetuk ari, An nakeleg-at nobam ebetuk eleg-o. At lahap nabik waharision etno inim-at obam ebetuk-o.

Yohanes 14:1

Eke fobik At Yesusen yig isaruk wilil, “Hit hinindi dag am fug-o. Hiren At Allah obam ebetuk ahep hag, An nobam ariroho-at ebetuk amuk-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Roma 10:9

Eke hiren hinambilik famen uruk wilil, “Nit Ninowe ari At Yesus at-o eheg, eke hinindi famen At Kristus etno Allahen it aphe warehon wereg ambeg epmanowen iluksoho minduhupfebag-o,” ulug hinindi ebereheg suruk hisalug, hinili wahu-o.

Roma 4:24

Eke nit hag alem dahon ninobam werehon epmano elehep nisahalug, At Allahen ninim fanoroho welamuog ulug dambuk ninaptisi-o, ulug niniluk amag ulug wene holal embebag-o. Eke At Allah Ninowe Yesus it aphe warehon wereg ambehen iluksoho minduhupfebahon etno obam ninindi ebetuk ahe-o.

2 Korintus 6:15

Eke At Kristus etno inim, eke at iblis etno inim inune misig-at uruk eleg-o. Eke it Allah wene warukon epmano it Allah wene inapelehon ilitoho wereg eleg-o.

Efesus 1:15

Eke hiren At Ninowe Yesus obam ebetuk ahebon epmano inim, eke hiren it Allah udaki obog inobam hinindi hunduhuk welahebon epmano inim, obog-at an nesanggo holtuk atikikseg, nintul nantul hit farim At Allah wa ulug yig ituk atikik-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Ibrani 6:1

Ari halug, At Kristus awene alem-at yig nisaruson etno dot awan wereg heheg, wene ebe undamon it inanggohonen inahla burukon etno niniluk amag ulug yanggul saruk amuk-o. Eke niren dag suruk atukukon sohorep isawon etno inim, eke At Allah obam ebebukon etno inim niniluk atukukseg, o andorli neken arat umburukukseg fam, fobik inim umbuk ari hai-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.