1 Petrus 1:2 - Allah Wene Hurumbik Keron

² At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 1:2 ပူးပေါင်းရင်းမြစ်များ

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Markus 13:20

Eke dahon inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil, maha imbisahu epmano fam, o dahon inobam umbukon horog arat aruhu-o,

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Markus 13:27

Ambik waharuk aruhukseg, it malaikat epmano Anden o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 20:32

Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 11:2

Eke At Allahen At udaki bilin imig inapahon epmano ambit isalug sohorep isarisi fug-o. Eke wene etno Alkitab fam weregma, at Elia etnowen it Israel ap iren surukon Allah yig ituk wilil,

Roma 11:28

Eke it Yahudi aben wene fano wene etno ninambit uruk atusa etno fam hit bilin Allah wene hinapeleg welatikibon epmano hinake At Allah inim healeg wereg oke, At Allahen it inetamuki epmano inim wene fanoroho baltuk apareg fam, it Yahudi ap fuloko imbisebag halug, it At omini indi hunduhukon neken wereg-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 16:19

Eke hit hag wene fano wene etno fanoroho-at eberoko waruk ahep ari fam it yi aphe di aphe obohen inesanggo holtusa halug, an nahien hisaruk ahi-o. Eke fano surukon etno hag hiniluksoho wilil, dag surukon epmano hinapeleg welam ari fano nahla buruk ahi-o.

Roma 16:26

Eke wene amuk heraho neken welapahon etno it nabi aben hurumbik wene holal embebag etno fam selegma bukaloko yig nisebag-o. Eke ariroho yig nisebag ari, At Allah ilukon itog mondog werehon etnowen ariroho yig isil alu-o ulug mondep isebareg fam, it yi aphe di aphe o ahik ya da werehon epmano obog-at iniluk amag ulug yig isil laruk-o. Eke ariroho yig isil laruk ari, it aphe obog inim, eke it bilin Allah wene inapeleg welatuson epmano inimen, wene etno inesanggo holtuk wilil ilitoho suruk amag ulug yig isil laruk-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

Roma 8:33

Eke Allah udaki imig inapahon epmano inobam at sen une dahon yig isahu-o? It alem dahon inobam werehon epmano hag At Allahen-at elehep isaruk-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

2 Korintus 10:5

Eke nit oag werehon og nisarukon etno fam yi angge di angge oag werehon epmano lehet neken mialtuk wilil, inenggal wene urukon epmano sahaloko imbiseheg, eke At Allah ebe niniluksoho welamon seberoho umbuog ulug surukon epmano elegsoho imbiseheg, eke it aphe inahla burukon epmano hele waroko neken imbisalug At Kristus une etno holukag ulug apma imbiseheg suruk ahe-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 11:28

Eke at etno indi demat ulug ebetuk wilil, esoho Paskah esebukon etno esetuk amuk-o, ulug abug selegmarepfuruk apareg, at aphe war inaptukon malaikat etnowen it Israel aphe inudaki manggia endohowon epmano war inabuk nowen ulug, hinibam o sok eleke wam amep are siuk-o, ulug yig isebag.

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

1 Petrus 1:19

At Kristus obabut mondog fanowon amep onggo ulug embebag etno hit hiniluk-o. Eke At Allahen o kweanma awan wal haruk wilil,

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

2 Petrus 1:2

Eke At Ninikni Allah, Ninowe Yesus inimen fanowon etno suroho og hisawag ulug, anden heahi war hinaptuk ahi-o.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.

2 Yohanes 1:13

Eke hat hot udakien heahi war haptuk-o.

Yudas 1:2

At Ninikni Allahen hit fanowon etno suroho og hisawag ulug hinake sembahyang uruk ahe-o.