1 Petrus 1:17 - Allah Wene Hurumbik Keron

¹⁷ Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.

1 Petrus 1:17 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Matius 6:9

At iluk wereg etno fam, hiren sembahyang duroho obam uruk amuhup-o, ‘Allah Ninik­ni boholma welahenon hat hinuk-at suontepfuk-o.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

2 Korintus 1:2

Eke At Ninikni Allah inim, eke At Ninowe Yesus Kristus inimen hinabua hisaruk wilil, hinim welamag ulug yig hisehe-o.

2 Korintus 5:6

Ariroho og nisarisireg fam, nit ninindi oag weregsoho-at suruk ahe-o. Eke nit ninebe ninibam duma neken wilil, At Ninowe ibam etno awan ninim welahe fug ari niniluk-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

2 Korintus 7:11

Eke At Allahen hinindi dahap hisaharisireg fam, keroho surukuk ulug hinahla eberiuk-o. Eke fanoroho suruk amon etno inim, eke ninapelehen neken surukuk ulug ukon etno inim, eke hinindi ioba yabukon etno inim, eke hinakoltoho welamon etno inim, eke fanoroho suhuk ulug hinahla bukon etno inim, eke at Paulusen irisi etno ilitoho suruk amuk ulug hinahla buruk wilil suruk amon etno inim, eke dag sirision etno onggo umbukag ulug ukon etno inim, obog-at suruk amuog ulug sirikip ari fam, hiren alem etno eleg amag ulug fanoroho sirikibon etno arat niluk atisi-o.

Galatia 2:6

Eke it Allah udaki inowesi epmanowen at Paulus wene misig apeleg ulug yig nitusa fug-o. Eke it inowesi ari bilin ap kerohon welapag ulug an napeleg yuhun-at welahi-o. Eke At Allahen ap du olohore dahon, du olohore fanowon ulug yig isaruk eleg-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 3:14

Eke ari halug, At Ninowe Yesus Kristus Ikni, nit boholmon inim, kweanmon inim obog ninungguluag inuk soal ninaptukon etno il fam nindibahal yungguksoho wilil, At obam sembahyang uruk ahi-o.

Efesus 6:9

Eke hit hinanggimbu iniknisi ari hag, it hinanggimbu epmano hinune fanoroho-at yig isaruk amuk-o. Eke inusuog ulug hinune fanggogsoho yig isaruk ahebon etno sohorep isiek-o. Eke hit inim, it hinanggimbu etno inim, At Hinowe boholma misig-at wereg-o. Eke Aren it aphe kweanmon epmano nin dag nin fano ulug uruk eleg-o, obog ilitoho-at yig isaruk-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

Kolose 3:25

Eke it yabuk inahlahiroho wilil yuhun-at surukon halug, At Allahen onggo og isahu fug-o. Eke it yabuk dagsoho suruk amuhubon halug, At Allahen it suon inim, eke it doron inim obog-at inabua isalug eleg-at o dagma imbisahu-o.

Ibrani 12:28

Eke nit hag At Allah apma welamon aplohok suk fuhon etno-at og nisaruk ari fam wa ulug uruk amuk-o. Ariroho uruk amuhuk ari, At Allahen ninabua nisaruk wilil, ahmu nisawag ulug ninindi seberoho wilil, ninakoltoho At Allah obam sembahyang uruk amuk-o.

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.