1 Petrus 1:13 - Allah Wene Hurumbik Keron

¹³ Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 1:13 ပူးပေါင်းရင်းမြစ်များ

Matius 20:4

yig isaruk wilil, ‘Hit hinim-at e anggur yabuk etno sik laruk hisalug, anden yabuk onggo ilitoho-at og hisamin-o,’ ulug yig isarisi-o.

Lukas 12:35

At Yesusen yig isaruk wilil, “Hit yi angge di angge sukon etno yaharoho welamiek-o.

Lukas 17:30

Eke ariroho sebag etno hag, fobik An Allahen minduhup naharision etno waruhuk ari sambit ariroho-at suhup-o.

Lukas 17:8

Ari eleg-o. Hiren at hinanggimbu etno yig ituk wilil, ‘Ninaharom esag nisaruk apmihinteg, hasum fanowon etno wantoho nit ik orom naruk niseheg, ninaso welapmihinteg, hat fobik-at ik orom namihin-o,’ ulug yig ituk ahep-o.

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

1 Korintus 1:7

Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

1 Korintus 13:13

Eke ari halug, ninindi demat ulug ebetuk aheon epmano inim, eke fobik suhu ulug ninahla buruk aheon etno inim, eke ninindi hunduhuk welaheon epmano inim, alem henahan ari mondog wereg-o. Eke ariroho wereg oke, ninindi hunduhuk welaheon epmano alem suon-at wereg-o.

Efesus 6:14

Ariroho huluog ulug hit minduhuk yaharoho welamuk-o. Eke it ap wim abuog ulug inasum keteroho ulug inaserlog wantebag etno hag, hit wene demat urukon etno holaruk amuk-o. Eke it sing wantebag etno hag, hit motoho surukon etno-at holaruk amuk-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

2 Timotius 4:5

Ariroho suruk amuhubon oke, eke hat hag nintul nantul hindi aso fanoroho welamuk-o; eke wene fano wene yig isil larukon yabuk etno-at suruk amin-o; eke hat hebe At Allah anggimbu wilil yabuk fanoroho suruk heyeheg, it ninen dahon hobam umburuk isalug, hahla bugsoho welamin-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 10:35

Ari halug, hinindi oag weregsoho-at welamuk-o. Ariroho wereg hisalug onggo fanowon etno anggolo-at og hisahu-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 6:19

Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Petrus 1:10

Eke hinindi fanoroho hinombisahukon etno amuk it nabi aben inindimu ebetuk apareg, At Allahen og hisahu ulug hurumbik ebag.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.