1 Petrus 1:12 - Allah Wene Hurumbik Keron

¹² Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

1 Petrus 1:12 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 16:17

Yig ituk apagma, At Yesusen yig ituk wilil, “Simon Yunus amloho wai, At Allah ahien hobam umburuk hihi-o, haren demat ariroho ehen ari, ap misihen yanggul hitukmu ehen fug-o. An Nikni boholma werehon etnowen hat hakeleg yig hitukmu ehen-o.

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 2:26

Aso weregma, At Roh Kudusen indi kahaloko yig ituk wilil, “At Allah Amloho Kristus etno hilanggen halug eleg wararuhun fug-o,” ulug At Allahen yig epag.

Lukas 9:6

Yig isaruk apagma, At omini epmano laruk apareg, o ahik ya da epmano ya keheg sil nuruk wilil, wene fano wene yig iseheg, eke it aphe uk warehon epmano fano inabeheg sil nuruk apag.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Kisah Para Rasul 10:44

At Petrus etnowen it aphe epmano awan yig isaruk heheg, it obog wene demat ulug holfahon epmano At Roh Kudus inobam belabik wapag.

Kisah Para Rasul 16:10

I og haruk apareg, ahla buruk wilil, ari hihi ari, At Allahen o Makedonia wene fano wene etno yig isawag ulug wol nabehek hihi-o, ulug nahla buruk atikikseg, nit etno o Makedonia luog ulug yi angge di angge dig dug holaruk atukukseg larukuk.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Kisah Para Rasul 4:8

Hinog og inaptuk apagma, at Petrus etno Roh Kudus indimu kebareg yig itukmu yig isaruk wilil, “Hit Yahudi ap inowesi suon du wai.

Kisah Para Rasul 8:25

Yig isaruk apareg weregma, eke it etanowen, “Nit Allah wene demat ulug ebetuk ahe-o,” ulug yig isaruk apareg, it Petrus, Yohanes etano iniog suhuluk o Yerusalem laruk wilil, o Samaria etno o sili misig yig iseheg, misig yig iseheg sil lebag.

Roma 1:15

Eke ari halug, it Roma aphe ariroho-at yig isa lahuk ulug nahien haruk wilil sembahyang uruk ahi-o.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

1 Korintus 2:10

Ariroho ninombisaharuk apareg, fobik At Roh Kudus etno fam yanggul nisebag. Eke At Roh Kudusen yi angge di angge obog alem heaharuk wilil, At Allah indi undamen ahla burukon etno inim-at alem heaharuk wereg-o.

2 Korintus 1:22

Eke aren og hisahuk ulug abug yig nisebahon etno demat og nisahu ulug ninahla bukag ulug At Roh Kudus etno ninindimu og nisarisi-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

Galatia 1:12

Eke wene ari ap misihen og nitisi fug-o, eke at ap misihen yanggul nitisi fug-o, At Yesus Kristus etno akelehen-at dindiloko yig nitisi-o.

Galatia 1:16

Wol naptuk atisireg, eke anden At Kristus awene fano wene etno it aphe Allah wene inapelehon epmano yig isil lawag ulug At Amloho awene etno obog-at bukaloko yig nituk atisi-o. At Allahen ariroho yig nituk heheg, eke an ap misihen yanggul nemag ulug aphe inambeg larikik fug-o.

Efesus 3:10

Eke At Allah yi angge di angge obog wal hebahon etno bilin wene du heraho welamag ulug dugsoho embebahon oke, eke kidia At awene warukon epmanowen it malaikat inim, eke it inowesi boholmon inim, At Allah yiroho diroho suruk ilukon etnowen ahla buruk atlug, duroho suruk-o, ulug iren iniluk amag ulug yig isaruk-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.

Ibrani 4:2

Eke bilin it Israel aphe Allah wene inesanggo holtuk apag etno hag, nit wene fano wene etno ninesanggo holtukuk-o. Eke iren wene etno inesanggo holtuk apareg oke, eberoko webag fug etno fam, wene yig isarukon-at oke, inindi mot apag fug-o.

1 Petrus 1:25

Amburuk oke, eke At Ninikni Allah wene etno hag iluk mondog welaruhu-o,” ulug wene holal embebahon etno weregma, wene fano wene ulug yig hisarusa-o.

1 Petrus 4:6

Ari fam wene fano wene etno it warehon inim-at yig isarisi-o. Yig isarision etno inebe arat oag deloko imbisebag halug, fobik inahut At Allah inim wilil, ilitoho welamag ulug yig isarisi-o.

Wahyu 5:11

Uruk atusama, eke fobik it ma­laikat inebe anggolo beribu-ribu, sepuluh ribu neken waharuk atus­areg, At horie uruk ambeg werehon etno inim eke it inebe empat iniluk werehon epmano inim, eke it penatua inebe dua puluh empat epmano inim dahagsoho minatuk atusareg,