1 Petrus 1:1 - Allah Wene Hurumbik Keron

¹ An Yesus Kristus omini mondep isebahon misig Petrus etnowen wene holal du bal hisihi-o. Hit Allah udaki o Pontus, Galatia, Kapadokia, Asia-Kecil, Bitinia inim huso neken welahebon epmano wene holal du bal hisihi-o.

1 Petrus 1:1 ပူးပေါင်းရင်းမြစ်များ

Matius 10:2

it ap wol isebahon epmano ini­nuk Simon, inuk misig Petrus soalfahon etno inim, at ot Andreas etno inim, at Zebedeus udaki Yakobus, ot Yohanes etano inim,

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 4:18

Eke fobik At Yesus ik Galilea ayegma laruk wilil, at Simon inuk misig Petrus etno, ot Andreas inimen werul etno ikma belaptukmu ilanggen yet isebag. It etano ikan watukon welapag.

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Yohanes 11:52

It Allah udaki o kweanma duma o ahik ya da werehon obog-at dambuksoho imbisawon epmano inake wararuhu ulug hurumbik yig isebag.

Yohanes 7:35

Ariroho yig isaruk apagma, it Yahudi ap etnowen irit uruk wilil, “At ap duen hiren An heag nabuhup fug ulug yig nisaruk du, At ebe kema liog ulug uruk-o?

Kisah Para Rasul 18:2

Waharisireg weregma, at Kaisar Klaudius etnowen it Yahudi ap obog o Romaen wilip isaruk atisimu, at Yahudi ap misig inuk Akwila, o Pontusen endag apahon etno, uhwe inuk Priskila inim o Italia etnowen o Korintus larusareg weregma,

Kisah Para Rasul 18:23

Laruk atisireg, o epma inggik anggolo welatisireg, sohorep isalug o Galatia inim, Frigia inim ya keheg suruk wilil, it aphe Allah wene warukon epmano inindi oag wereg amag ulug yig isil waharisi.

Kisah Para Rasul 19:10

Eke at ebe tahun biren inim wilil, yig isaruk heheg, it Asia aphe inim, eke it Yahudi aphe inim, eke it Allah wene holtuk elehon inim, obog-at Allah wene inesanggo holtuk atusa.

Kisah Para Rasul 6:9

Sil nurukmu, it Yahudi ap nin inim winimug apag. Winimug apag etno, it Yahudi ap Allah wene uruk ambeg inuk Libertini soalfahon etno alem weregma, it Yahudi ap Sireniaon inim, eke Aleksandriaon inim, eke Kireniaon inim, eke Asiaon inim it obohen at Stefanus inim winimug apag.

Kisah Para Rasul 8:4

Laruk wilil, o ahik ya da obog-at wene yig isil nuruk apag. It epmanowen yig isil nurukmu, eke it mondep isebahon epmano o Yerusalem welapag.

1 Korintus 16:19

Eke it Allah udaki o Asia werehon epmanowen heahi war hinaptuk-o. Eke it Akwila Priskila epmano inim, eke it Allah udaki it inibam wonggaltukon epmano inimen At Ninowe inuk fam heahi war hinaptuk-o.

2 Korintus 1:8

Eke nit o Asiaen dahon ninobam umburuson epmano hit hinapeleg welam nowen ulug yig hisaruk ahe-o, nomini. Eke iren dahon epmano mondog angginon neken-at ninobam umburusareg fam, niniluk welamuhuk ano, ulug ninapelegsoho welatukuk-o.

Galatia 1:2

Eke an it ninomini duma ninim welaheon epmano ninimen hit Allah udaki o Galatia o ahik ya da welahebon epmano heahi war hinaptuk ahe-o.

Efesus 2:12

Eke hit bilin At Kristus hinim welatikip fug-o. Eke hinebe huso neken wilil, At Allah udaki imig inapahon epmano hinim welatikip fug-o. Eke At Allahen At udaki yig isaruk wilil, fanowon etno demat og hisahuk ulug abug yig isebag etno hit hag yig hisebag fug-o. Eke hiren fanowon etno og nisahu ulug hinahla buruk eleg wilil, o kweanma duma Allah hinim welatikip fug-o.

Efesus 2:19

Eke ari halug, hit Allah wene hinapeleg welatikibon epmano kidia huso neken welahep fug-o. At Allah udaki hinim hinungguluag misig-at welahep-o. Eke At Allah udaki epmano hinim o yuwi misig-at neken welahep-o. Eke it Allah wene hurumbik yig isarukon epmano inim,

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.