1 Korintus 9:22 - Allah Wene Hurumbik Keron

²² Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

1 Korintus 9:22 ပူးပေါင်းရင်းမြစ်များ

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 14:2

Eke at misig indi fanoroho ebetukon halug, yi angge di angge obog naruk oke, at indi oag elehon etno yi angge di angge we engga-at naruk-o.

Roma 15:1

Eke nit At Allah obam ebetuk wilil, ninindi oag weregsoho welaheon epmanowen it ninomini inindi oag eleg heheg angginon inobam werehon epmano yalmag inabuk ari fano at-o. Eke nit ninahien huog ulug sukon etno sohorep isalug,

Roma 15:2

it ninomini epmano inahien hawag ulug suruk am ari fano at-o. Ariroho suruk wilil, it inebe fano aheg, inindi oag wereg aheg sukag ulug suruk am ari fano at-o.

1 Korintus 10:33

Eke an yi seheg, di seheg suruk wilil, it ap obohen inahien hawag ulug suruk ahi-o. Eke an yi angge di angge og nemag ulug heahil sil nuruk ahi fug-o. Eke it aphe obog inili holeheg, eke fanowon etno holeheg suruk amag ulug suruk ahi-o.

1 Korintus 7:16

Eke hat hwe du, nahun ili wahuk fug ano? ulug hahla buruk am fug-o. Eke hat ap du, nuhwe ili wahuk fug ano? ulug hahla buruk am fug-o.

1 Korintus 8:13

Ari halug, an naruk ahi etno fam at nomin etno indi oag elehap sihi ha nowen ulug an wam inu etno mondog naruk aruhuk fug-o.

1 Korintus 9:19

An aphe inahele etno loleg welatikikon oke, eke fobik aphe obog wonggal inabuhuken ulug nebe it inanggimbu neken seberepatarikik-o.

1 Korintus 9:23

Wene fano wene du ninim eberoko wahuken ulug, yi angge di angge ariroho-at suruk ahi-o.

2 Korintus 11:29

Eke it inoag elehon wereg oke, an hag mondog noag elehon-at welahi-o. Eke at ap misig dag suruk halug, an mondog nambit haruk ahi-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.