1 Korintus 9:14 - Allah Wene Hurumbik Keron

¹⁴ Eke ari ilitoho At Ninowe etnowen, it ap wene fano wene yig isil nurukon epmano yi angge di angge og isimuk, ulug inesanggo wapag-o.

1 Korintus 9:14 ပူးပေါင်းရင်းမြစ်များ

Matius 10:10

Eke misig, kwalema laruk wilil, sum yi angge di angge yonggatukon ulug walug la fug-o. Sum hinebemon misig-at wanteg wilil, hiniog eset inim, hinowanggundumuk inim walug la fug-o. Hit yabuk fanowon etno-at suruk hisalug, iren yi angge di angge og hisawag-o.

Lukas 10:7

Eke orom inim, ik inim menag hisaruk isalug, hinim o epma wilil, naruk amuhup-o. Eke hit yabuk fanoroho suruk hisalug, menag hisahup at-o. Eke hit hinebe etno o misig keheg o misig keheg sil nuruk am fug-o.

Lukas 10:8

Eke hit hinebe o misig kuruk amuhupmu, heahi war hinaptuk wilil og hisahubon epmano nenggeg, aphe o epma uk warehon halug fano inabeheg suruk amuhupseg, yig isaruk wilil,

Kisah Para Rasul 18:3

at Paulus etno inambeg laruk atisireg inim wilil, iren sum o faltukon yig itusa etno hag, aren it aphe inibam falsawag ulug sum o faltukon etno yiko og isarisimu, iren onggo yi angge di angge og itusa.

1 Korintus 4:15

Eke hit Kristus inuk fam yanggul hisil nurukon ari ap inebe anggolo-at wereg oke, at hinikni neken ebe misig-at wereg-o. Eke anden At Kristus Yesus inuk etno yig hiseheg, eke wene fano wene yanggul hiseheg suruk atikikon epmano fam fano hinaptisi-o.

1 Korintus 9:11

Eke niren i angge boholmon etno yahap hisarukukon etno fam, hiren angge kweanmon bal salug, onggo og nisao ari hai behep ano?

1 Korintus 9:12

Eke it ap werlekonen, hinaharek menag nisimiek-o ulug yig hisaruk isalug, eke nit epmanowen, hinaharek menag nisimiek ulug yig hisao hai buruk ahep ano? Eke niren, hinaharek menag nisimiek, ulug yig hisolowon oke, yig hiseheg eleg-at welatukuk-o. At Kristus awene fanowon etno olohotma sok larehe ha nowen ulug nit yi angge di angge obok heheg oke, kino uk sohorep isarukuk-o.

1 Korintus 9:16

Eke an wene fano wene du yig isaruk ahi etno fam, an nebe suontepatao ari hai buruk ahi-o. Ari At Allahen ariroho suruk amuk ulug yig nitisimu, yig isil laruk ahi-o. Eke anden wene fano wene etno yig iseheg eleg-at welatlemen, dahon epmano nobam ombatele-o.

1 Korintus 9:4

an naharom inim, nahik inim an nakelehen naruk am hai buruk ahep ano?

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

Galatia 6:6

Eke ap misig at ap misihen Allah wene yanggul itukon halug, at aharek yi angge di angge epmano ap yanggul itukon etno og ituk amag-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.