1 Korintus 9:12 - Allah Wene Hurumbik Keron

¹² Eke it ap werlekonen, hinaharek menag nisimiek-o ulug yig hisaruk isalug, eke nit epmanowen, hinaharek menag nisimiek ulug yig hisao hai buruk ahep ano? Eke niren, hinaharek menag nisimiek, ulug yig hisolowon oke, yig hiseheg eleg-at welatukuk-o. At Kristus awene fanowon etno olohotma sok larehe ha nowen ulug nit yi angge di angge obok heheg oke, kino uk sohorep isarukuk-o.

1 Korintus 9:12 ပူးပေါင်းရင်းမြစ်များ

Lukas 11:52

eke fobik yig isaruk wilil, “Hit ap wene unde du hinabua-o. Eke o iniluk atuk ambeg etno sok hobog hit at senetuk ahebon oke, hinonggareg hinebe kuruk eleg wilil, it nin kuog ulug surukon epmano hag kuk nowen ulug suruk ahep-o,” ulug yig isebag.

Kisah Para Rasul 18:3

at Paulus etno inambeg laruk atisireg inim wilil, iren sum o faltukon yig itusa etno hag, aren it aphe inibam falsawag ulug sum o faltukon etno yiko og isarisimu, iren onggo yi angge di angge og itusa.

Roma 15:22

Eke ari fam, nintul nantul hinambeg bik hisa wariog ulug sirikikon oke, hai atisi-o.

1 Korintus 13:7

Eke yi angge di angge surukon epmano inobam inapelegsoho apma imbisaruk-o. Eke yi angge di angge demat ulug ahla buruk-o. Eke yi angge di angge fano ban suruk amuhup ulug indi ebereg wereg-o. Eke at ebe obabut fano mondog wilil ariroho suruk-o.

1 Korintus 6:7

Eke at hinomin etno obam denggeltuk ahep ari hinobabut urunanggeroho wilil dag-at suruk ahep-o. Eke hit hinili holeheg eleg-at welatlepmen fano-at oke, hinune obam denggeltuk ahep ari hai-o.

1 Korintus 9:14

Eke ari ilitoho At Ninowe etnowen, it ap wene fano wene yig isil nurukon epmano yi angge di angge og isimuk, ulug inesanggo wapag-o.

1 Korintus 9:15

Eke ari halug, hinaharek og nimiek-o, ulug yig hiseleon oke, yig hiseheg eleg-at welatikik-o. Eke hit og nimuhuben ulug wene holal du bal hisarikik fug-o. Eke alem ari fam ap misihen an yuhun-at suontep nahalepmen, an waram fano bele-o.

1 Korintus 9:16

Eke an wene fano wene du yig isaruk ahi etno fam, an nebe suontepatao ari hai buruk ahi-o. Ari At Allahen ariroho suruk amuk ulug yig nitisimu, yig isil laruk ahi-o. Eke anden wene fano wene etno yig iseheg eleg-at welatlemen, dahon epmano nobam ombatele-o.

1 Korintus 9:18

Eke ari halug, an neyabuk onggo etno nongge og num-o? An neyabuk onggo du at-o, an wene fano wene yig isaruk wilil, wene ari onggo umbukag ulug yig iseheg eleg, eke an wene fano wene yig isaruk ahion etno fam yi angge di angge og nimiek ulug kino yig iseheg eleg bok welahi ari, an neyabuk onggo ari at-o.

1 Korintus 9:2

Eke it ap werlekon ninen, at Paulus wene yig isil nuruk amag ulug mondepfebag fug, ulug inahla belebon oke, hit hag wene yig hisa wamag ulug mondep naharisi-o. Eke hit hag wene yig hisil wamag ulug mondep nahabahon demat bukag ulug, hit wene etno eberoko warikipseg, At Ninowe hinim hinindi hunduhuk welahep-o.

2 Korintus 11:12

Eke it ap ninen nit mondep nisahabahon at-o ulug suontepataruk wilil, iren nit at Paulusen yabuk suruk etno ilitoho-at suruk ahe-o, ulug ariroho uk nowen ulug an kidia suruk ahi etno hag ilitoho-at suruk aruhuk-o.

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

2 Korintus 6:3

Eke ap misihen nit yabuk suruk aheon etno dag surusa ulug ninobam denggeluk nowen ulug, ap misig il fam dahan fahan suruk ahe fug-o. Eke nit yi seheg di seheg fanoroho suruk nisalug, it apheyen du Allah anggimbu at-o ulug inahla bukag ulug ninahlahiroho welahe-o.