1 Korintus 9:1 - Allah Wene Hurumbik Keron

¹ Eke an nebe yuhun-at sil nurukon buruk ahep ano? Eke At Ninowe etnowen wene yig isil nuruk amag ulug mondep nahabag fug buruk ahep ano? Eke an At Ninowe Yesus etno ilanggen kiroho harisi fug buruk ahep ano? An neyabuk At Ninowe inuk etno fam sirikikon etno hit o epma welahep fug ano?

1 Korintus 9:1 ပူးပေါင်းရင်းမြစ်များ

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 14:14

Og inaplug waharuk apagma, at ap uson etno it aphe obog inimen ininuksoho og isulen ulug inahla bebahon etno it Barnabas Paulus inesanggo holtug inasineyen inasum libiltuk apareg, aphe inanggelegma laruk wilil, “Hit hinahahe eleg amiek-o,” ulug inune suon yig isaruk wilil,

Kisah Para Rasul 14:4

Sukfugangge suruk apagma, it aphe epmano it nin minggiroko it Yahudi ap inune weheg, eke it nin minggiroko it mondep isebahon epmano inune weheg suruk apag.

Kisah Para Rasul 23:11

Yig isaruk atisireg weregma, o hup atuk atisimu, eke At Ninowe etno at Paulus ambeg waharuk atisireg yig ituk wilil, “Hat hindi hakol elegsoho welamin-o. Eke hat hebe o Yerusalem dumen An nawene etno yig isaruk aruhunteg, fobik o Roma etnowen ariroho yig isaruk aruhun-o,” ulug yig itisi.

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Kisah Para Rasul 9:17

Yig ituk apagma, at Ananias o etno kik waharuk apareg, at Saulus ungguluagma inggik embebag. Inggik umburuk wilil, “Nare Saulus wai. An At Yesusen lahap nabik waha-o. Eke hat o duma wariog ulug At Yesus kwalemen harikinon etnowen hilanggen fenggenep hahalug, Roh Kudus og hemag ulug lahap nabik waha-o,” ulug yig ituk apagma,

Kisah Para Rasul 9:3

Yig ituk apareg, at etno o Damsyik liog ulug horogsoho weregma, boholmen sehenyabog neken yibag haruk apagma, it inolohotma seleg apag.

Kisah Para Rasul 9:5

at Saulus etnowen yig ituk wilil, “Nowe-o, Hat sen yig nituk ahen-o?” ulug hinog waruk apagma, une yig epahon etnowen uruk wilil, “Haren An Yesus mug naplug wahenon ari farim yig hituk ahi-o.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 11:13

Eke kidia hit ap bilin Allah wene hinapeleg welatikibon epmano yig hisamin-o. Eke an it ap Allah wene inapeleg welatuson epmano yig isil lawag ulug mondep nahabag halug, an neyabuk du fanoroho-at suruk aruhuk-o.

1 Korintus 1:1

At Allahen indi ebepahon etno fam Yesus Kristus wene yig isil nuruk amag ulug wol neyebahon etno an Paulus, nomin Sostenes ninimen wene holal du bal hisehe-o.

1 Korintus 10:29

Ariroho yig hisihi ari, hit hinindi kahalsehep ha nowen ulug yig hisihi fug at ap etno indi kahalepfehep ha nowen ulug yig hisihi-o. Eke at ap etnowen it wam uson nenggesa ulug ahla buruk wilil, indi oag eleg am nowen, an keroho nele ulug hinindi ebebuk fug-o.

1 Korintus 10:30

Eke an hag naruk angge fanowon du nahien haruk wilil, At Allah wa ulug yig ituk ahion oke, it ap ninen naren balukagsoho keroho nele, ulug hinahla buk fug-o.

1 Korintus 11:16

Eke at ap misig wene alem du fam ninim heahuog ulug suruk halug, nit Allah udaki ninim dambuksoho welaheon epmano ninune sahaltuk ahe eleg-o.

1 Korintus 3:6

Eke anden i yatikik-o. Eke at Apolosen hohol warisi-o, ik deltil larisi-o, eke At Allahen i yahowon etno unggum lahapfik waharisi-o.

1 Korintus 9:19

An aphe inahele etno loleg welatikikon oke, eke fobik aphe obog wonggal inabuhuken ulug nebe it inanggimbu neken seberepatarikik-o.

2 Korintus 10:7

Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

2 Korintus 11:5

Eke it epmano inenggal uruk wilil, nit hag mondep nisahebahon-at welahe-o, ulug urukon epmano it suon, an doron ulug nahla buruk ahi fug-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 1:1

An Paulus wene yig isil lawag ulug ap misihen mondep nahabag fug-o, eke it apheyen minduhup naharusa fug-o, eke At Yesus Kristus inim, eke At Ninikni Allah, At Yesus Kristus aphe warehon wereg ambehen iluksoho minduhupfebahon etno inimen, wene yig isil lawag ulug minduhup naharusa-o.

Galatia 5:1

Nit ninebe seberoho neken welamon etno sohorep isalug, arat ninili ohowon welahe-o. Eke At Kristusen ninili warisi-o. Eke ari halug, ap inili ohowon neken minduhuk welamuk-o. Ariroho wilil, nin fobik inim seberep hisahuk nowen ulug yaharoho welamuk-o.

1 Tesalonika 2:6

Eke hiren inim, it ninen inim nininuk suontep nisahukag ulug surukuk fug-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.