1 Korintus 8:9 - Allah Wene Hurumbik Keron

⁹ Eke hiren yuhun-at suruk ahebon etno it aphe inindi oag elehon epmanowen inilanggen hisalug, ari fam it dag suk nowen ulug hinilanggen yaharoho welamiek-o.

1 Korintus 8:9 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Roma 15:1

Eke nit At Allah obam ebetuk wilil, ninindi oag weregsoho welaheon epmanowen it ninomini inindi oag eleg heheg angginon inobam werehon epmano yalmag inabuk ari fano at-o. Eke nit ninahien huog ulug sukon etno sohorep isalug,

1 Korintus 10:24

Eke hit obog nit ninaharek-at su amag ulug heahil sil nuruk am fug-o. Eke it aphe obog-at inaharek su amag ulug heahil sil nuruk amuk-o.

1 Korintus 10:28

Eke at misihen wam inu du monggat ake at-o, ulug yig hisaruk halug, ari nao hai-o, ulug hinahla buruk wilil, at ap og hisarukon etno indi oag eleg am nowen ulug, na fug-o.

1 Korintus 10:29

Ariroho yig hisihi ari, hit hinindi kahalsehep ha nowen ulug yig hisihi fug at ap etno indi kahalepfehep ha nowen ulug yig hisihi-o. Eke at ap etnowen it wam uson nenggesa ulug ahla buruk wilil, indi oag eleg am nowen, an keroho nele ulug hinindi ebebuk fug-o.

1 Korintus 10:32

Eke it Yahudi ap inim, eke it Yunani ap inim, it Allah udakion inim, it obohen hit suruk ahebon epmano inilanggen hisalug, iren keroho suruk ulug inahla buruk wilil, inambit ha nowen ulug, hiren motoho-at suruk amiek-o.

1 Korintus 8:10

Eke hat alem hiluk atisireg fam, o monggat ifaleg ambeg epma horieg weregma, ap misihen ilanggen hearuk wilil, ap duen uson naruk ano? ulug ahla bulug, indi oag eleg etno fam wam uson epmano nao fano at-o, ulug ahla biog ulug indi eberuhu fug buruk ahen ano?

1 Korintus 8:12

Eke it hinomini inindi oag elehap sirikinon epmanowen usa ano ulug inahla buruk iseheg, haren inindi oag elehon etno inindi kahaltuk ahen ari haren At Kristus ebe inim-at dahap suruk ahen-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

2 Korintus 11:21

Eke nit ninenggali hawag ulug hit ariroho suruk amim hinoag elegsoho welatikip ulug yig nisahup ano? Eke at misihen suontepataruk halug, an ariroho-at urunanggeroho suontepatamin-o.

2 Korintus 11:29

Eke it inoag elehon wereg oke, an hag mondog noag elehon-at welahi-o. Eke at ap misig dag suruk halug, an mondog nambit haruk ahi-o.

2 Korintus 6:3

Eke ap misihen nit yabuk suruk aheon etno dag surusa ulug ninobam denggeluk nowen ulug, ap misig il fam dahan fahan suruk ahe fug-o. Eke nit yi seheg di seheg fanoroho suruk nisalug, it apheyen du Allah anggimbu at-o ulug inahla bukag ulug ninahlahiroho welahe-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.

2 Petrus 2:19

Eke it dag surukon epmano iblis apma neken wilil, urunanggeroho suruk-o. Ariroho suruk ari, it ap inindi werehon neken suruk eleg-o. At dag surukon etno anggimbu wilil, inonggarehen at dahon etno apma kuruk-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.