1 Korintus 8:6 - Allah Wene Hurumbik Keron

⁶ Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

1 Korintus 8:6 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Yohanes 1:10

Ari fam At Wene etno o kweanma welapag. Ariroho wilil, At Allah inimen o kweanma duma wal hebahon oke, it aphe epmanowen ap du Ninowe ulug inahla buruk apag fug.

Yohanes 1:3

At Allahen Wene etno sohorep isalug, wal hebag fug, inim-at wal hebag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 13:13

Horie uruk apareg, yig isaruk wilil, “Anden ho hinabihion etno ebe du farim sehek ulug hinahla buruk ahep ano? Hiren Ninowe yanggul nisarukon ulug yig nituk ahep ari, An nebe Hinowe yanggul hisarukon-at wereg nealug, demat yig nituk ahep-o.

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Kisah Para Rasul 17:28

Ninombisaharuk apareg, At ebe yatma wereg eleg-o. At Ninikni etno ninaso wereg heheg welahe-o. Eke hit it hinomini di urukon etnowen yig hisaruk wilil, ‘Nit At udaki-at welahe-o,’ ulug yig hisarusa.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 12:3

Eke ari halug, at ap misig Roh Kudus etno indimu wilil, aren At Yesus ebe homali neken umburuk eleg-o. Eke at ap misihen, “At Yesus an Nowe at-o” ulug urukon ari, At Roh Kudus etnowen-at yig itukmu uruk-o.

1 Korintus 6:13

Eke ninaharom ari nit ninahum fam welamon ulug wereg-o. Eke ninahum ari ninaharom yonggatukon-at wereg-o. Ariroho wereg oke, eke fobik At Allahen ninaharom inim, ninahum inim ebe elehapsuhu-o. Eke ninebe etno hwe ap uhweon surukon ulug wereg eleg-o. Eke nit ninebe an At Ninowe inuk suon etno apma neken-at welahe-o. Eke Ninowe inuk suon ari nit ninebe ninake-at wereg-o.

1 Korintus 8:4

Eke alem misig, wam inu fam kwanangge usa suruk wilil narukon epmano, monggat ebe kweanma duma misig wereg eleg-o. At Allah akeleg-at suon wereg ulug niniluk welahe-o.

Efesus 1:3

Eke At Allah Ninowe Yesus Kristus Ikni etno wa ulug yig imuk-o. Eke nit At Kristus ninim wereg nisalug, At Allah ahien ninobam umburuk wilil, yi angge di angge boholmon epmano obog-at og nisaruk-o.

Efesus 3:14

Eke ari halug, At Ninowe Yesus Kristus Ikni, nit boholmon inim, kweanmon inim obog ninungguluag inuk soal ninaptukon etno il fam nindibahal yungguksoho wilil, At obam sembahyang uruk ahi-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.