1 Korintus 8:12 - Allah Wene Hurumbik Keron

¹² Eke it hinomini inindi oag elehap sirikinon epmanowen usa ano ulug inahla buruk iseheg, haren inindi oag elehon etno inindi kahaltuk ahen ari haren At Kristus ebe inim-at dahap suruk ahen-o.

1 Korintus 8:12 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 18:21

Eke fobik at Petrus etno Yesus ambeg waharuk apareg, yig ituk wilil, “Nowe-o, at nomin misihen dahon etno nobam umburuk halug, marenam sulug fam anden obam apelegsoho umbuhuk ano? Ari halug, inggik sabiren angge sulug fam obam apelegsoho umbuhuk ano?” ulug yig ituk apagma,

Matius 18:6

At Yesusen yig isaruk wilil, “It udag doron An nobam ebetukon oke, iren dag sukag ulug at ap misihen inindimu kahal­tukmu dag suruk ari, at ap etno anggolop helep liloko ik suon ikma belapfelepmen fano-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Markus 9:42

Yig isaruk apareg, eke fobik yig isaruk wilil, “Eke it udag doron epmano An nobam ebetukon oke, iren dag sukag ulug at ap misihen inindimu kahaltukmu dag suruk ari, at ap etno anggolop fam helep liloko ikma belapfelepmen fano-o.

Lukas 17:2

It ariroho suhubon epmano helep suon inanggolop fam liloko ik laut ahumu belap inaplepmen fano-o. Iren it aphe yuhun-at werehon epmanowen dag sukag ulug inindi kahalik wam nowen ulug ariroho ikma belap inaplepmen fano-o.

Roma 14:20

Eke At Allahen fanoroho sirision etno hiren alem yi angge di angge nawon epmano fam seberoho umbuk fug-o. Eke yi angge di angge epmano obog yuhun-at nao ari fano-at oke, at ap hinomin misig etno dahapfehep ha nowen ulug alem arion na fug yig hisihi-o.

1 Korintus 12:12

Ap inebe epmano misig-at oke, ininggik iniog wereg-o. Eke ap inebe ininggik iniog sele anggolo wereg oke, inebe misig-at wereg etno ilitoho, At Kristus ariroho misig-at wereg-o.