1 Korintus 8:1 - Allah Wene Hurumbik Keron

¹ Eke kidia wam usa surukon nawon etno farim alem yig hisamin-o. Wam inu fam kwanangge usa surukon epmano nit obog-at alem niniluk atisi-o. Eke alem surukon etno-at niniluk welamon etno fam niren suontepataruk aheon oke, ninindi it aphe ninim hunduhuk welamon epmano fam aphe inindi werehep isaruk ahe-o.

1 Korintus 8:1 ပူးပေါင်းရင်းမြစ်များ

Kisah Para Rasul 15:10

Ari halug, nit ninetamuki ninim komo yig nisebahon wene etno suruk atukuk fuhon oke, it nin komo yig nisebahon wene etno inobam imbisawag ulug uruk ahep du, keroho At Allah aren baltuk ahep-o?

Kisah Para Rasul 15:29

Ariroho yig hisehereg fam, wam kwanangge anggom ulug waroko umburukon epmano na fug-o. Eke amep inim na fug-o. Wam amep eleg warehon na fug-o. Eke wanggik suk fug-o, ulug wene yig hiseheon du waruk wilil, hit hinebe fano-at welamag ulug yig hisehe-o.

Kisah Para Rasul 21:25

It Yahudi ap ariroho uruk amuhubon oke, it bilin Allah wene inapeleg welatuson epmano hag, Allah wene waruk isalug, niren holal baloko og isarukuk. Eke holal etno fam wene umburuk wilil, ‘Wam kwanangge anggom ulug warehon etno na fug-o. Eke amep inim na fug-o. Eke wam amep wilibig eleg warehon na fug-o. Eke wanggik suk fug-o,’ ulug ariroho holal fam yig isarukuk,” ulug it ap inaso werehon etnowen at Paulus yig itusa.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 14:10

Eke ari halug, hiren hinomini inoag del inaptuk ahep ari, keroho ulug suruk ahep-o? Eke it hinomini hinambit isaruk ahep ari, inim keroho ulug suruk ahep-o? Eke nit obog epmano At Allahen oag del ninabiog ulug At Allah il fam minduhup nisahaku-o ulug alem ari fam wene holal baleg etnowen yig nisaruk wilil,

Roma 14:14

Eke an At Ninowe Yesus ninim nindi hunduhuk wilil, yi angge di angge epmano uson eleg ulug nahla buruk wilil, demat niluk atisireg, yig hisaruk ahi-o. Eke ap misihen alem du suruk am usa-o ulug ahla buruk halug, alem ari fam ahla burukon epmano uson na fuhon-at welamag-o.

Roma 14:19

Eke ari halug, ninebe obog fanoroho wilil, dambuksoho welamuhuken ulug nit nit ninindi oag werehepataruk amuk-o.

Roma 14:22

Eke hiren ari nao fano at-o ulug hinahla buruk ahebon epmano hinakeleg-at wilil, At Allah-at yig ituk amuk-o. Eke at ap misihen du suk fano at-o ulug ahla buruk oke, at ahla burukon etno suruk wilil, dag suruk ahi ulug indi ebetuk eleg wilil, ahien haruk-o.

Roma 14:3

Eke at yi angge di angge obog-at narukon etnowen at engga-at narukon etno ambit haruk am nowen-o. Eke at engga-at narukon etnowen at yi angge di angge obog-at narukon epmano oag deloko umbuk ari hai-o. Eke At Allahen it obog-at nudaki ulug heako imbisarisi-o.

Roma 15:14

Nomini-o, hit hag hinobabut fano mondog welahep ari demat ulug nahla buruk ahi-o. Eke hit yi angge di angge obog alem hiniluk wilil, hit hit hinesanggo war war uruk amon etno demat hiniluk welahep ulug nahla buruk ahi-o.

1 Korintus 1:5

Eke At Kristus hit hinim welahep etno fam, yi wene di wene yig isawon inim, eke yi seheg di seheg sukon hiniluk amon epmano inim, obog-at og hisarisimu,

1 Korintus 10:15

Eke hit hinebe hinindi werehon neken wereg hisalug, yig hisaruk ahi-o. Ari halug, hiren an nune du keroho ehek ulug hinindi eberiek-o.

1 Korintus 10:28

Eke at misihen wam inu du monggat ake at-o, ulug yig hisaruk halug, ari nao hai-o, ulug hinahla buruk wilil, at ap og hisarukon etno indi oag eleg am nowen ulug, na fug-o.

1 Korintus 14:20

Eke hit hinahla buruk ahebon ari it udag doronen inahla buruk epmano hag hinahla buruk am fug-o, nomini. Eke dag suruk ahebon ari hag sohorep isalug it udag fuangge wereg epmano hag welamuk-o. Eke hinahla buruk ahebon ari hag it ap inanggohon inindi werehonen fanoroho wereg epmano hag welamuk-o.

1 Korintus 15:34

Eke dag suruk ahebon epmano sohorep isalug, hinindi wereg amuk-o. Eke hinindi etno fanoroho welamuk-o. Eke it ap hiron ninen Allah inuk inapeleg-o ulug hinahla buruk wilil hit hinenggali hawag ulug yig hisihi-o.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

1 Korintus 4:18

Eke hiren an ninambeg bik nisa waruhu fug neken it ap hiron ninen inonggareg ininuk suontepatarusa-o.

1 Korintus 4:6

Nomini-o, hit epma wene holal balfahon etno seberepfulug hinindi akeleg neken ebereheg, eke hinambit haruk wilil ap misig suontepfeheg, eke ap misig seberepfeheg suruk ahep ha nowen ulug, hiren an at Apolos ninim keroho wereg ulug ninaren baluhuben wene ilitoho neken-at yig hisihi ari, hiren nit keroho welamuk ulug hinahla bukag ulug yig hisihi-o.

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

1 Korintus 5:6

Eke hiren an suon hat suon uruk atikip etno famen fano sirikip fug-o. Eke roti su amag ulug dorat deloko belapfurukon etno fam obog-at su atuk etno hit hinapeleg neken welatikip ano?

1 Korintus 8:2

Eke ap misihen, an nakeleg-at niluk-o, ulug ahla buruk halug, ebe iluk amon etno hag weheg eleg-at wilil, apeleg-at wereg-o.

1 Korintus 8:4

Eke alem misig, wam inu fam kwanangge usa suruk wilil narukon epmano, monggat ebe kweanma duma misig wereg eleg-o. At Allah akeleg-at suon wereg ulug niniluk welahe-o.

1 Korintus 8:7

Eke nit hag ariroho ninahla buruk aheon oke, it aphe obog-at alem ari iniluk wereg eleg-o. Eke it nin o amuken inamonggat inobam ebetuk wilil, nintul nantul usa suruk atusareg fam, wam uson ulug naruk wilil, usa ano inahla buruk-o. Eke it inebe ariroho inindi oag eleg neken wilil, inobam sabele neken denggelsaruk-o.

Efesus 4:16

Eke At Kristus etno At udaki inungguluag neken wilil, it At ebe inggik iog neken werehon etno fano dambuksoho wereg isalug, omanggen imbirision etno famen ebe misig-at wereg-o. Ariroho weregma, eke it enggangga epmanowen ineyabuk dombog suruk wilil, it inomini inindi hunduhuk wereg isalug, ebe etno fanoroho su atuk-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.

Wahyu 2:20

Ari halug, alem misig du fam-at hinesanggo warik-o. Ari at hwe Isebel etnowen An At Allahen lahap nabik waharisi-o ulug urukon etno hinim-at welahep-o. Eke it nanggimbu epmano wanggik seheg, eke wam uson nenggeg suruk amag ulug at hwe etnowen yanggul isaruk wilil, inindi kahalik waharuk-o.