1 Korintus 7:31 - Allah Wene Hurumbik Keron

³¹ Eke it yi angge di angge kweanmon onggo baleheg sil nurukon epmano, suruk elehon neken welamag-o. Eke o kweanma duma obog olohore eleg aruhu-o.

1 Korintus 7:31 ပူးပေါင်းရင်းမြစ်များ

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

1 Korintus 7:29

An ariroho yig hisaruk ahion ari, kwean duma olohore ket amon etno fanggog uruk ari fam yig hisihi-o. Eke kidia it inuhwesi werehon epmano inuhwesi elehon neken welamag-o. Eke it ioba yatukon epmano ioba yatuk elehon neken welamag-o.

1 Korintus 7:30

Eke it inahien harukon epmano inahien haruk elehon neken welamag-o. Eke it yi angge di angge onggo balsarukon epmano inaharek elehon neken welamag-o.

1 Korintus 9:18

Eke ari halug, an neyabuk onggo etno nongge og num-o? An neyabuk onggo du at-o, an wene fano wene yig isaruk wilil, wene ari onggo umbukag ulug yig iseheg eleg, eke an wene fano wene yig isaruk ahion etno fam yi angge di angge og nimiek ulug kino yig iseheg eleg bok welahi ari, an neyabuk onggo ari at-o.

Ibrani 12:27

Eke une fobik suhuk ulug ebag ari fam, yi angge di angge wal hebahon epmano obog-at aplohoksepfuhukseg, elehapsuhuk-o. Eke yi angge di angge mondog aplohok suhuk fuhon epmano welamuhup at-o, ulug hurumbik etno selegma-at yig nisaruk-o.

Yakobus 4:14

sono niluk welaruhuk, ulug hinapeleg wilil, keroho ulug uruk ahep-o? Hit hinebe e anggen yihilug fahe bug atukon etno ilitoho welahep-o.

1 Petrus 1:24

Ari wene etno Alkitab du fam weregma hiniluk-o, “Yi aphe di aphe obog isingga neken wereg-o; eke it yi aphe di aphe epmano e anggen olohore fanowon neken wereg-o. Ariroho wereg oke, isingga etno bug atlug, e anggen olohore dag atuk atlug loloko kweanma amburuk-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

1 Yohanes 2:17

Yi angge di angge kweanmon ninindi burukon etno eleg aruhu-o. At Allahen wene duroho suruk amuk eke duroho suruk am fug ulug ebahon etno ilitoho suruk nisalug, niniluk-at welamuhuk-o.