1 Korintus 7:22 - Allah Wene Hurumbik Keron

²² Eke ap misig ap inanggimbu wereg heheg, At Allahen ap etno At Ninowe inuk fam wol suruk halug, at ap ari Ninowe inuk suon aharek unde welamon-at atisi-o. Eke ariroho ap misig yi angge di angge unde werehon etno At Allahen wol suruk halug, ap etno At Kristus anggimbu atisi-o.

1 Korintus 7:22 ပူးပေါင်းရင်းမြစ်များ

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

1 Korintus 7:21

Eke hit it aphe inanggimbu wereg hisalug wol hisebag ano? Ari halug fano at-o, eke hat hebe anggimbu welamon etno alem eleg atuk halug, hat hebe ap unde werehon etno neken welariog ulug suhun-o.

1 Korintus 9:19

An aphe inahele etno loleg welatikikon oke, eke fobik aphe obog wonggal inabuhuken ulug nebe it inanggimbu neken seberepatarikik-o.

1 Korintus 9:21

Eke it Yahudi aben wene duroho suruk amuk eke duroho suruk am fug ulug ebahon etno inapeleg werehon epmano an nilahut war inabuhuken ulug, an At Allahen wene duroho suruk amuk eke duroho suruk am fug ulug ebahon etno nesanggo holtuk wilil, At Kristus awene etno apma welahion oke, it wene inapelehon epmano ninim wilil, an nebe wene napeleg neken atisi-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Galatia 5:1

Nit ninebe seberoho neken welamon etno sohorep isalug, arat ninili ohowon welahe-o. Eke At Kristusen ninili warisi-o. Eke ari halug, ap inili ohowon neken minduhuk welamuk-o. Ariroho wilil, nin fobik inim seberep hisahuk nowen ulug yaharoho welamuk-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

Filemon 1:16

Eke at ebe kidia iog suhuluk hambeg waharuk ari, haren an nanggimbu at-o ulug hahla buruk am fug-o. At ebe Kristus awene warisireg fam an nomin neken-at wereg-o, ulug hahla buruk amin-o. Eke at ebe an nomin-at heheg, hat hag ap du an nanggimbu-at oke, Allah wene warisireg fam nomin-at wereg-o, ulug hahla buruk wilil, hinim hindi hunduhuk welamin-o.

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.