1 Korintus 7:10 - Allah Wene Hurumbik Keron

¹⁰ Eke hit hinuhwesi holarikibon epmano an nune fam yanggul hisaruk ahi ari, an nune fam eleg-o. At Ninowe etnowen yig nitukmu du yanggul hisaruk ahi-o. Ariroho yanggul hisaruk wilil, at hwe etnowen ahun etno sohorep isa fug-o, ulug yig hisaruk ahi-o.

1 Korintus 7:10 ပူးပေါင်းရင်းမြစ်များ

Matius 5:32

ulug yig isebahon oke, e­ke Anden yig hisaruk wilil, ‘Ap misig uhweyen dag suruk eleg heheg uhwe sohorep isa­ruk halug ari, ap etno­wen hwe etno alom­nangge were­hon ulug imbi­saruk-o. Eke ap misihen hwe sohorep isarukon etno waruk ha­lug, alomnang­ge-at waruk-o,’ ” ulug yig isebag.

Markus 10:2

Yangguloko yig isarukmu, it Farisi ap epmano At ambeg waharuk apareg, Aren baluog ulug yig ituk wilil, “Wene duroho suruk amuk eke duroho suruk am fug ulug ebahon etno wereg heheg, ap misig uhwe amberaken sohorep isao ari fano ano, dag ano? Haren yig nisimin-o,”

Lukas 16:18

Eke ap misihen uhwe bilin ohowon etno sohorep isalug, fobik misig diloko holaruk etno alomnangge-at heraharuk-o. Eke ap misihen hwe sohorep isarukon holaruk etno alomnangge-at heraharuk-o,” ulug At Yesusen yig isebag.

1 Korintus 7:11

Eke at hwe etno ahun inim healeg wereg halug, hwe ari ahun elehon-at welamag-o. Eke inim healeg eleg wereg halug, at hwe etno ahun inim dambuksoho welamag-o. Eke ahun etnowen hag uhwe sohorep isa fug-o.

1 Korintus 7:12

Eke hit nin epmano At Ninowe etnowen yig nitukmu yig hisaruk ahi eleg-o. An nindien bulug-at yig hisaruk ahi-o. At ninomin misig uhwe etno Allah wene indi ebetuk eleg wilil, nahun ninim welam fano, ulug ahla buruk halug, at ap etnowen hwe etno sohorep isa fug-o.

1 Korintus 7:15

Eke At Allah wene ebetuk elehon etnowen heal sawon ebetuk halug, heal sao ari fano at-o. Eke ari halug, hit ap inim, hweap inim Allah wene warukon epmanowen, at Allah wene ebetuk eleg wilil, heal sao burukon etno ninim welamuk ano, sohorep isuk ano? ulug hinonggarehen imig sao ari fano at-o. Eke At Allahen hit fanoroho welamag ulug wol hisebag-o.

1 Korintus 7:25

Eke kidia it ap elege, hweap duhumon inawene etno At Ninowe etnowen yig isawag ulug yanggul nitisi fuhon oke, eke At Ninowe etnowen nabua nearisireg fam, nahla eberoko suruk wilil nindimuen wal haruk ahion etno yig hisamin-o.

1 Korintus 7:40

Eke an nahla buruk wilil, at hwe suhweon etno ariroho wilil ahien haruk aruhu-o, ulug ariroho nahla buruk ahi ari, an hag At Roh Kudus ninim welahe buruk ahi-o.

1 Korintus 7:6

Eke anden yig hisaruk ahion du an nune famen, ariroho siuk, ulug yig hisaruk ahi fug-o. We fano-at ulug an nindi famen-at yig hisaruk ahi.