1 Korintus 6:11 - Allah Wene Hurumbik Keron

¹¹ Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

1 Korintus 6:11 ပူးပေါင်းရင်းမြစ်များ

Matius 20:4

yig isaruk wilil, ‘Hit hinim-at e anggur yabuk etno sik laruk hisalug, anden yabuk onggo ilitoho-at og hisamin-o,’ ulug yig isarisi-o.

Lukas 18:14

Yig ituk apagma, aren an dag suruk ahion ulug yig epag etno fam, At Allahen indi fanorepfebagma, ibam lebag, ulug anden yig hisaruk ahi-o. Halug, at bilin sebag ari hag, it inonggarehen suontepatarukon epmano fobik seberep isahu-o. Eke it inonggarehen seberepatarukon halug, fobik lehep isahu-o,” ulug At Yesusen yig isebag.

Yohanes 13:10

Yig ituk apagma, At Yesusen yig ituk wilil, “Ap misig anggume waroko ebe obog-at hosuk halug, fobik ebe inim ho suruk eleg-o, we iog akeleg-at ho suruk-o. Eke hit obog hinahap kume warehon-at welahep oke, at misig etno hag ahap kume waroko hoseheg eleg-at wereg-o,” ulug ariroho yig isebag ari,

Yohanes 13:8

Yig ituk apagma, eke at Petrus etnowen yig ituk wilil, “Haren an niog ho nabuk ari mondog hai-o,” ulug yig epag. Yig ituk apagma, At Yesusen yig ituk wilil, “Anden hat hiog ho haptuk eleg nealug, hat An nomin neken welaruhun fug-o,” ulug yig epag.

Yohanes 5:4

Ariroho weregma, fobik ik namut etno aplohoksepfuruk apagma, it ap nin bilin ikma hiksoho kurukon epmano-at fano inaptuk apag.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Roma 3:24

Eke ariroho wereg iseheg, At Allahen inabua isaruk wilil, iren onggo umbulug eleg-at At Kristus Yesus etnowen inili webareg fam, At Allahen alem dahon inobam werehon epmano elehepfuruk-o.

Roma 4:5

Eke ap misig onggarehen fano seheg eleg-at wilil, At Allahen nit dag suruk aheon epmano fano ninaptuk ulug obam ebetuk etno fam, At Allahen ap at obam ebetukon epmano ninim fanoroho welamuhuken ulug inim dambultuk-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:9

Eke At ninake warapareg fam, alem dahon ninobam werehon etno elehep nisahabag halug, At Allahen asine ninobam umbuk nowen ulug ninili wahu-o.

Roma 8:30

Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

Roma 8:33

Eke Allah udaki imig inapahon epmano inobam at sen une dahon yig isahu-o? It alem dahon inobam werehon epmano hag At Allahen-at elehep isaruk-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 12:2

Eke hit hinebe it Allah wene inapelehon wereg epmano hag wereg hisalug, it monggat inune unggut elehon inambeg og hinaplug lebag epmano hiniluk at-o.

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 3:11

Eke ari halug at Alkitab etnowen yig nisaruk wilil, “It aphe At Allah obam ebetukon epmano hag alem dahon inobam werehon epmano At Allahen elehepfuhumu, iniluk mondog welamuhup-o,” ulug yig nisaruk-o.

Galatia 3:24

Eke ari halug, At Kristus etno awan waharuk eleg heheg, wene duroho suruk amuk eke duroho suruk am fug ulug ebahon etno nit yanggul nisarukon neken welatisi-o.

Galatia 3:8

Eke Alkitab fam yig nisaruk wilil, “It ap Allah wene inapelehon epmano fobik At Allah obam ebetuk isalug, alem dahon inobam werehon epmano At Allahen elehepfuhu-o,” ulug hurumbik Alkitab fam yig isebag-o. Ariroho yig isaruk apareg, wene fano wene hurumbik etno at Abraham yig ituk wilil, “Hat hetamu misig endag aruhu etno fam, At Allahen aphe kweanmon obog ahien inobam umbuhu-o,” ulug yig ituk apagma, at Abraham etnowen At Allah obam ebetuk apag. Ebetuk apagma, At Allah ahien obam embebag.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Efesus 5:8

Eke hit bilin o hikmu welatikibon oke, At Ninowe udaki atikipseg, o selegma-at welahep-o. Eke ariroho wilil, at o seleg udaki wereg etno hag welamuk-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

1 Yohanes 2:12

Nudaki-o, hit dag suruk ahebon epmano At Kristus inuk fam hinapelegsoho imbisarikip famen, anden holal du bal hisihi-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.