1 Korintus 5:9 - Allah Wene Hurumbik Keron

⁹ Eke anden bilin wene holal bal hisaruk wilil, “It hwe ap uhweon surukon epmano hinim welam fug-o,” ulug yig hisarikikon etno, it aphe Allah wene inapeleg wilil, wanggik seheg, eke inobabut dahon wilil,

1 Korintus 5:9 ပူးပေါင်းရင်းမြစ်များ

1 Korintus 5:10

ininggikmu arikon welaheg, eke komo wene yig isarukon epmano sohorep isalug dil dil angge seheg, eke kwanangge amurli hundireheg surukon epmano hinim hunduhuk welam fug ulug, it wene inapelehon farim yig hisarikik fug-o. Anden bilin ariroho yig hiselemen, hit kwean du famen wilip atlep-o.

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

1 Korintus 5:7

Eke hit hag roti keron neken amuhuken ulug, roti su amag ulug werehon amukon dag sirikibon epmano horoho wilipfisiek-o. Eke it Israel ap amuk wam domba Paskah esebuog ulug wapag etno hag, At Kristus etno nit ninake warapareg fam,

2 Korintus 6:14

Eke it wam sapi biren e misig-at inomalo fam hele homako weregma kwean yultuk etno hag, hit it aphe Allah wene inapelehon epmano hinomini neken hinim dambuksoho yabuk suk ari hai-o. Eke motoho suruk isalug, dahan fahan surukon epmano inim misig-at wereg eleg-o. Eke o ilingge etno hubanggo inim dambuksoho wereg eleg-o.

2 Korintus 6:17

“It epmano sohorep isalug, hinim hinakeleg sik welamuk-o. Eke ariroho hinakeleg hinakeleg wilil, dahon werehon epmano senetuk eleg hisalug, Anden endag hinabuhuk-o.

Efesus 5:11

Eke it aphe o hikmu wilil, yi angge di angge ebe elehon surukon etno hinim welam fug-o. Eke it o hikmuen surukon epmano o seleg etno fam inaren balepfuruk amuhukseg, dag sehep ulug yig isaruk amuk-o.

2 Tesalonika 3:14

Eke holal du fam yig hisaruk aheon etno ap misig esanggo holtuk eleg halug, ap etno enggali hawagsoho hiren ap du dag suruk-o, ulug enggali warepfeheg, eke ebe sohorepfiseheg suruk amuk-o.

2 Tesalonika 3:6

Nomini-o, At Ninowe Yesus Kristus inuk fam duroho yig hisaruk ahe-o, it hinomini epmano inaborali wilil, niren yig isarukukon etno ilitoho suruk elehon halug, it inakelegsoho sohorep isiuk-o.