1 Korintus 5:3 - Allah Wene Hurumbik Keron

³ Eke an nebe yatma welahi-at oke, nindi hag hit hinim welahep-o. Eke ariroho hinim wilil, ap ariroho dag surukon etno At Ninowe Yesus inuk fam arat oag deloko nune obam imbirikik-o.

1 Korintus 5:3 ပူးပေါင်းရင်းမြစ်များ

1 Korintus 5:12

Eke anden it ap selemon Allah wene inapelehon epmano inoag del inaptuk ahi fug-o. At Allahen-at it ap selemon epmano inoag del inabuhu-o. Eke hit hag it ap hinanggelegma wilil hinim welahebon epmano fikfag inaren baltuk amuk-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 10:11

ulug nabug ariroho urukon ari, ninebe yatma wilil wene ninaholal fam yig hisaruk aheon etno fobik ninebe hinambeg wamuhukseg ninim wilil ilitoho-at hinesanggo wabuhuk-o, ulug inindi ebebukag ulug yig hisaruk ahe-o.

2 Korintus 13:2

Eke bilin ninggik birenam ninim wilil yig hisarikikon etno kidia nebe yatma wilil oke, misihim inim dahagsoho yig hisamin-o. Ariroho yig hisamin ari, hit obog inim, eke hit bilin dag sirikibon epmano inim obog-at yig hisamin-o. Ari halug, an nebe fobik hinambeg waruhukseg, nune wiogsoho yig hisahuk fug-o.

Kolose 2:5

Eke an nebe yatma-at welahi oke, nahla buruk ahion etno hit hinim horog-at wereg-o. Ariroho weregma, At Kristus awene eberoko waruk wilil hinoag weregsoho welahebon etno nilanggen haruk wilil, an nahientoho-at welahi-o.

1 Tesalonika 2:17

Nomini-o, nit nininggik dot ninim welatukuk fug oke, ninahla buruk aheon etno hag ninim wilil, ninebe hag hit ninim welatukuk fug-o. Ari ninebe yatma wilil, hinobam ebetuk atukuk-o. Ariroho ebetuk atukukseg fam, fobik nininggik anggoloam bik hisa wamuog ulug surukuk-o.