1 Korintus 5:11 - Allah Wene Hurumbik Keron

¹¹ Eke ari halug, kidia wene holal du bal hisaruk wilil, “At ap misihen an hinomin welahi ulug yig hisaruk oke, hwe ap uwheon surukon epmano inim, eke obabut dag wilil inggikmu arikon etno inim, eke kwanangge amurli hundutukon etno inim, eke une enggal-at inobam denggeltukon etno inim, eke ambusu nenek surukon etno donggogsoho narukon etno inim, eke komo wene yig isarukon epmano sohorep isalug dil dil angge surukon etno inim, ap ariroho surukon etno hit ninomin ulug hinim welam fug-o. Eke ap arion hinim horie ulug yi angge di angge na fug-o.”

1 Korintus 5:11 ပူးပေါင်းရင်းမြစ်များ

Matius 18:17

Ambeg lalug, inune yig itukon epmano esanggo holtuk eleg halug, it aphe Allah udaki epmano obog-at yig isimuk-o. It obohen yig imuhubon epmano esanggo holtuk eleg halug, oag deloko at ebe selemon neken imbiek-o,” ulug yig isebag.

Matius 23:25

Eke hit ap wene unde epmano inim, eke hit Farisi ap epmano inim hinenggal-at uruk ahep du hinabua-o. Hit henaheserangge henahik oag hinayomag hinasohorluk ari ahap selema hag ho suruk ahebon oke, undama hiren diloko waruk ahebon epmano inim, eke hinobabut dahon suruk ahebon epmano inim obog-at kelegsoho wereg-o.

Lukas 18:11

at Farisi ap etno akeleg-at minatlug sembahyang uruk wilil, ‘Nikni Allah wai, it aphe ninen yi angge di angge herahakeg, inenggal wene eheg, dag seheg suruk epmano hag, an ariroho suruk ahi fuhon etnowen Nikni wa, ulug yig hituk ahi-o. Ari, at ap uang onggo kino urukon duen suruk etno hag anden suruk eleg wilil, Nikni wa ulug yig hituk ahi-o.

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 9:17

Yig ituk apagma, at Ananias o etno kik waharuk apareg, at Saulus ungguluagma inggik embebag. Inggik umburuk wilil, “Nare Saulus wai. An At Yesusen lahap nabik waha-o. Eke hat o duma wariog ulug At Yesus kwalemen harikinon etnowen hilanggen fenggenep hahalug, Roh Kudus og hemag ulug lahap nabik waha-o,” ulug yig ituk apagma,

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

1 Korintus 10:14

Eke ari halug, nomini nindi hunduhukon wai, hit kwanangge amurli hundutuk isalug, hite wilip atuk amuk-o.

1 Korintus 11:21

Ariroho naruk wilil, it nin inaharom esag sarukon epmano yuhun-at naruk-o. Eke at misig orom obok heheg, eke ap misig ahumsoho nalug ambusu etnowen nenek seheg suruk-o.

1 Korintus 5:13

Eke ariroho at Alkitab etno fam yig nisaruk wilil, “At ap dahon hinanggelegma werehon etno hiren oag deloko wilipfiuk-o,” ulug yig nisaruk-o.

1 Korintus 6:10

Eke it hwe ap uhweon surukon epmano inim, eke kwanangge amurli hundutukon epmano inim, eke it ap ap wanggik surukon epmano inim, eke inalomnangge warukon epmano inim, eke ininggikmu fereleg elehon epmano inim, eke ambusu nenek surukon donggogsoho narukon epmano inim, eke inenggal ap inobam denggeltukon epmano inim, eke komo wene yig isarukon sohorep isalug dil dil angge surukon epmano inim ari, Allah wereg ambeg kukon etno holahup fug-o.

1 Korintus 6:6

Eke hit ap misihen at hinomin etno oag deloko umbukag ulug it Allah wene inapelehon epmano yig isa laruk ahep ari dag-o.

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

1 Korintus 7:12

Eke hit nin epmano At Ninowe etnowen yig nitukmu yig hisaruk ahi eleg-o. An nindien bulug-at yig hisaruk ahi-o. At ninomin misig uhwe etno Allah wene indi ebetuk eleg wilil, nahun ninim welam fano, ulug ahla buruk halug, at ap etnowen hwe etno sohorep isa fug-o.

1 Korintus 7:15

Eke At Allah wene ebetuk elehon etnowen heal sawon ebetuk halug, heal sao ari fano at-o. Eke ari halug, hit ap inim, hweap inim Allah wene warukon epmanowen, at Allah wene ebetuk eleg wilil, heal sao burukon etno ninim welamuk ano, sohorep isuk ano? ulug hinonggarehen imig sao ari fano at-o. Eke At Allahen hit fanoroho welamag ulug wol hisebag-o.

1 Korintus 8:11

Eke hat alem hiluk atisireg fam, at homin indi oag elehon etno Kristus at ake warapahon oke, haren indi oag elehap suruk ahen-o.

Galatia 2:12

Eke it ap at Yakobusen lahap isa waharision epmano awan waharuk eleg iseheg, at Petrus etno it Allah udaki bilin awene inapeleg welatuson epmano orom inim naruson oke, eke fobik it ap epmano waharuk atusama, it ap ninen uruk wilil, “It ap bilin Allah wene inapeleg welatuson epmano iniyunggul ambilik balukag-o,” ulug ariroho uruson etno at Petrus akol haruk wilil, “It ap bilin wene inapeleg welatuson epmano ninim orom namin fug-o,” ulug imbisarisi-o.

Efesus 5:18

Eke hit hinebe nenek suruk wilil, uk olokon hinobam ombatehep ha nowen e anggur ambusu etno donggogsoho na fug-o. At Roh Kudus etno-at hinindimu kelegsoho welam ari fano-o.

Efesus 5:5

Eke alem misig du inim yig hisamin-o, it wanggik surukon etno inim, eke it fano suk sohorep isawon surukon etno inim, eke it yi angge di angge an-at hulik ulug uruk wilil, it inaharek ninamonggat ulug suontepfurukon etno inim it obog-at At Kristus Allah inim weregma kuhup fug-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

2 Tesalonika 3:14

Eke holal du fam yig hisaruk aheon etno ap misig esanggo holtuk eleg halug, ap etno enggali hawagsoho hiren ap du dag suruk-o, ulug enggali warepfeheg, eke ebe sohorepfiseheg suruk amuk-o.

2 Tesalonika 3:6

Nomini-o, At Ninowe Yesus Kristus inuk fam duroho yig hisaruk ahe-o, it hinomini epmano inaborali wilil, niren yig isarukukon etno ilitoho suruk elehon halug, it inakelegsoho sohorep isiuk-o.

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.

2 Yohanes 1:10

At Kristusen yig nisebahon etno ilitoho yig hisalug eleg hinambeg waharuk isalug, ninim nohuk, ulug yig isa fug-o. Eke an nibam kik ma, ulug hinune fanoroho yig isa fug-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.

Wahyu 2:20

Ari halug, alem misig du fam-at hinesanggo warik-o. Ari at hwe Isebel etnowen An At Allahen lahap nabik waharisi-o ulug urukon etno hinim-at welahep-o. Eke it nanggimbu epmano wanggik seheg, eke wam uson nenggeg suruk amag ulug at hwe etnowen yanggul isaruk wilil, inindi kahalik waharuk-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.