1 Korintus 4:9 - Allah Wene Hurumbik Keron

⁹ Eke an nindi ebetuk ahion ari, nit At Allahen wene yig isil lawag ulug mondep nisaharision epmano it malaikat inim, eke it aphe kweanmon inim it obohen inilanggen nisawag ulug, it ap waramag ulug inawene baltuson epmano ilitoho, nit ninebe fobiksep nisaharisi-o, ulug nahla buruk ahi-o.

1 Korintus 4:9 ပူးပေါင်းရင်းမြစ်များ

Kisah Para Rasul 19:29

Inune uruk wilil, it Gayus, Aristarkhus o Makedoniaen at Paulus inim waharuson etano sen inaptuk atusareg, og inaplug it wene uruk ambeg etno imbisa larusa.

Kisah Para Rasul 19:31

at ominien hat lamihin fug ulug yig itusa. Ariroho yig ituk atusa, it o Efesus inowesi at Paulus omini epmanowen yig ituk wilil, “Hat howabuk nowen wene uruk ambeg etno lamihin fug-o,” ulug yig itusa.

Roma 8:36

Eke at Alkitab wene holal baleg etnowen yig nisaruk wilil, “Nit hat hawene waruk nisalug, ilikia hupmu-at war ninabuog ulug suruk-o. Ariroho suruk wilil, wam domba war inabuog ulug suruk etno hag war ninabuog ulug suruk-o,” ulug wene holal baleg etno fam yig nisaruk oke, eke nit ninebe At indi hunduhuk welapahon etno ninim welahe ari fam nit ninebe ninoag weregsoho suon-at welamuhuk-o.

1 Korintus 15:19

Eke nit we kweanma duma wilil-at At Kristusen fano ninaptuk ulug ninahla buruk atlomen, aphe werlekon inabua suk sohorep isalug, nit hag ninabua saruk atlo-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 6:9

Eke nit ninebe epmano inapeleg neken wereg oke, it obohen iniluk wereg-o. Eke ninebe warehon neken welaheon oke, niniluk-at weregma nisaruk ahep-o. Eke ninebe hele war ninaptukon oke, binggi war ninaptuk eleg-o.

1 Tesalonika 3:3

Eke it ninen dahon etno hinobam umbukag ulug, At Allahen arat hurumbik yig hisarisi-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 10:33

Ariroho welatikipseg fam, fobik aphe obog inil fam selegma-at hinobam denggeleheg, eke dahon nin hinobam embeheg suruson oke, hit hinindi hinahlahiroho wilil, it nin dahon inobam umburuson epmano nit ninim-at ninobam umbukag-o, ulug hinim dambuksoho welatikip-o.

Ibrani 11:36

Eke it nin hag, apheyen inune dahon inobam embeheg, eke hele lambisog fam war inabeheg, eke aphe dahon imbisaruk ambeg kolap iseheg,