1 Korintus 4:6 - Allah Wene Hurumbik Keron

⁶ Nomini-o, hit epma wene holal balfahon etno seberepfulug hinindi akeleg neken ebereheg, eke hinambit haruk wilil ap misig suontepfeheg, eke ap misig seberepfeheg suruk ahep ha nowen ulug, hiren an at Apolos ninim keroho wereg ulug ninaren baluhuben wene ilitoho neken-at yig hisihi ari, hiren nit keroho welamuk ulug hinahla bukag ulug yig hisihi-o.

1 Korintus 4:6 ပူးပေါင်းရင်းမြစ်များ

Kisah Para Rasul 18:24

Eke fobik it Yahudi ap misig inuk Apolos, o Aleksandriaen endag apahon etno o Efesus waharisi. Eke at ebe une wene fam baltuk wilil, Alkitab yi wene di wene obog ilukmu,

Kisah Para Rasul 19:1

Eke fobik at Apolos etno o Korintus weregma, eke at Paulus etno o Asia o ahik ya da sil nuruk atisireg, o Efesus waharisi. Waharisireg, fobik omini nin bik isa larisi.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

1 Korintus 1:12

Eke ariroho yig nitusa etna hit demat dahan fahan uruk ahep hisihi-o. Eke ariroho uruk wilil, hat misihen, “An Paulusen angge at-o,” eke hat misihen, “An Apolosen angge at-o,” eke hat misihen, “An Kefasen angge at-o,” eke hat misihen, “An Kristusen angge at-o,” ulug uruk ahep hisihi-o.

1 Korintus 1:19

Eke wene misig Alkitab fam weregma yig nisaruk wilil, “It ap An nindi wereg-o ulug inahla burukon inune ari mondog oag elehap suhuk-o. Eke it ap nin An wene unde wilil nindi niluk-at inahla burukon epmano inune ari Anden sohorep isahuk-o,” ulug wene ari amuk-at holal balfag-o.

1 Korintus 1:31

Eke ari halug, “Ap misig inuk suontepfuog ulug suruk wilil, At Ninowe Yesus etnowen suruk apahon etno fam At inuk-at suontepfuk ari fano,” ulug wene ari Alkitab fam werehon etno ilitoho suruk am-o.

1 Korintus 13:4

At misihen aphe inim indi hunduhuk wereg an indimu asine eleg wilil suruk-o. Eke indi sebereg wilil inim fano wereg-o. Eke inim indi hunduhuk wilil, aren uwa uruk eleg-o. Eke ebe suontepataruk eleg-o. Eke aren we yuhun-at suruk eleg-o.

1 Korintus 3:19

Eke it ap kweanma dumen ninindi werehon nit-at ulug inahla burukon ari At Allahen inobabut kimbu neken-at ilanggen isaruk-o. Eke ari halug, at Alkitab etnowen yig nisaruk wilil, “It ap ninindi wereg ulug inahla burukon epmanowen alem neken inobam ombataruk isalug, bak sapnama waratuk etno hag, At Allahen sen inaptuk-o.”

1 Korintus 3:21

Eke ari halug, it apheyen ap du suon ulug fog inabuk fug-o.

1 Korintus 5:2

Eke hit ariroho suruk ahebon oke, hiren nit fano ulug uruk ahep ari, keroho ulug uruk ahep-o? Eke hinahien sukon etno sohorep isalug at ap ariroho surukon etna hinanggelegmen lisoko wilipfuog ulug ioba yatlepmen fano.

1 Korintus 5:6

Eke hiren an suon hat suon uruk atikip etno famen fano sirikip fug-o. Eke roti su amag ulug dorat deloko belapfurukon etno fam obog-at su atuk etno hit hinapeleg neken welatikip ano?

1 Korintus 8:1

Eke kidia wam usa surukon nawon etno farim alem yig hisamin-o. Wam inu fam kwanangge usa surukon epmano nit obog-at alem niniluk atisi-o. Eke alem surukon etno-at niniluk welamon etno fam niren suontepataruk aheon oke, ninindi it aphe ninim hunduhuk welamon epmano fam aphe inindi werehep isaruk ahe-o.

1 Korintus 9:23

Wene fano wene du ninim eberoko wahuken ulug, yi angge di angge ariroho-at suruk ahi-o.

2 Korintus 10:12

Eke it ninen suontepatarukon etno nit ilitoho suruk ahe ulug uk ari ninakol-o. Eke it ariroho suruk etno urunanggeroho-at suruk-o. Eke it etno ilit walangge ulug iren bilin surukon etno fam ilit saruk-o.

2 Korintus 10:15

Eke ari halug, nit ninowalangge etno-at wereg heheg, it ap ninen yabuk suruson epmano farim du niren surukuk ulug suontepataruk ahe fug-o. Eke hit hinanggelegma epmen Allah wene etno su atuk halug, At Allahen ninowalangge og nisarisi etno hag hinanggelegma epmen yabuk suon misig suhuken ulug ninahla buruk ahe-o.

2 Korintus 10:7

Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

2 Korintus 12:19

Eke ariroho yig hisehe ari, dahon inobam wilil, nit ninil fam elehepfuog ulug suruk buruk ahep ano? Ari eleg-o. Nit ninebe At Allah il fam wilil, At Kristusen yig nisarukmu neken obog-at yig hisaruk ahe ari, hit hag hinindi werehep hisahuog ulug-at suruk ahe-o, nomini.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

2 Korintus 12:6

Ariroho demat eleon oke, eke anden suontepatamin fug-o. Eke at ap misihen at Paulus etno suon at-o ulug ahla buk ari hai-o. We nebe neyeheg nune holeheg suluhen at Paulus ebe duroho wereg ulug ariroho yig num ari fano-o.

2 Korintus 4:15

Eke yi wene di wene ihion ari, hit hinake-at ariroho seg atuk-o. Eke ari ilitoho At Allahen ninabua nisarukon wene etno it aphe obohen nin bilin weheg, it aphe nin fobik weheg eberoko waruk amuhupseg, At Allah inuk suontepfuruk wilil, wa ulug uruk amuhup-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.