1 Korintus 4:21 - Allah Wene Hurumbik Keron

²¹ Eke hit nongge hinindien suruk ahep-o? An yikangge walug hinambeg wam hinindi ano, eke nindi hunduhuk wilil, seberoho hinambeg wam hinindi ano? Ari halug, hiren imig simiek-o.

1 Korintus 4:21 ပူးပေါင်းရင်းမြစ်များ

1 Korintus 4:18

Eke hiren an ninambeg bik nisa waruhu fug neken it ap hiron ninen inonggareg ininuk suontepatarusa-o.

1 Korintus 5:5

ap ariroho surukon etno ahap dag aruhureg oke, indi At Ninowe waruhu etno fam fano sukag ulug, hiren ap ari oag deloko at iblis og imuog ulug fuloko imbiek-o.

2 Korintus 1:23

Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 10:6

Eke hit hag hinesanggo fanoroho holtuk amuhupmu, it inesanggo holeg eleg welamuhubon epmano At Allahen onggo ninon-at og hisahu-o, ulug yig isahuk-o.

2 Korintus 10:8

Eke hit hinebe niren seberep hisahukon etno sohorep isalug, hinindi oag werehep hisahukag ulug At Allahen minduhup nisarisireg fam dot anggolo neken suontepatarukukseg oke, an nenggali haruk ahi fug-o.

2 Korintus 12:18

Eke anden at Titus etno lahun ano ulug hinog og harikikseg, yu uruk atisimu, at ninomin misig etno inim-at lahap isa waharikik ari fam at Titusen ninaharek holarisi buruk ahep ano? Eke an hag at Titus ninim ninobabut suruk aheon etno dahan fahan suruk nisalug, ilitoho surusa fug ulug uruk ahep ano?

2 Korintus 13:10

Eke hit ariroho hinobabut fano mondog welamag ulug an nebe yatma wilil oke, holal du bal hisihi-o. Eke hit hinebe seberep hisahukon etno sohorep isalug, hinindi oag werehep hisahukag ulug At Allahen minduhup naharision oke, anden noag weregsoho winimug hisihi ha nowen ulug holal du bilin bal hisaruk ahi-o.

2 Korintus 13:2

Eke bilin ninggik birenam ninim wilil yig hisarikikon etno kidia nebe yatma wilil oke, misihim inim dahagsoho yig hisamin-o. Ariroho yig hisamin ari, hit obog inim, eke hit bilin dag sirikibon epmano inim obog-at yig hisamin-o. Ari halug, an nebe fobik hinambeg waruhukseg, nune wiogsoho yig hisahuk fug-o.

2 Korintus 2:1

Eke ari halug, an nahla buruk wilil, “It inindi dahap sihi ha nowen an misihim inambeg lahuk fug,” ulug nahla birikik-o.

2 Korintus 2:3

Eke an nahien haruk nealug, hit obog hinahien haruk ahep etno demat ulug nahla buruk ahi-o.

2 Korintus 3:10

Eke wene kidia yig nisarukon etno ebe mondog suon-at wereg ari fam, wene duroho suruk amuk eke duroho suruk am fug ulug amuk suon neken welapahon etno kidia oag eleg neken atisi-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

1 Tesalonika 2:7

Eke At Kristusen mondep nisa waharisireg fam, hiren nininuk suontep nisahukag ulug solowon oke, eke hit hinabua hisaruk wilil-at ninim welatukuk-o. Eke at inisina etnowen udaki ahmu isaruk etno hag ninahmu hisarukuk-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.