1 Korintus 4:19 - Allah Wene Hurumbik Keron

¹⁹ Eke At Ninowe etnowen ariroho ebetuk halug, an dulum-at bik hisa waruhuk ulug nahla buruk ahi-o. Hinambeg waharuk aruhukseg, it aphe suontepatarukon epmano inune urukon etno nesanggo holtug eleg-at inindi oag wereg ano ulug inaren baluhuk-o.

1 Korintus 4:19 ပူးပေါင်းရင်းမြစ်များ

Kisah Para Rasul 18:21

aren, “Eleg-o, At Allahen yig nituk halug, fobik hinambeg waruhuk-o,” ulug yig isaruk atisireg, o Efesus epmen ik so fam larisi.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 20:2

Waharuk atisireg, o epmano ya keheg wene yig isil nuruk wilil, it aphe obog inesanggo watil nuruk atisi. Inesanggo watil nuruk atisireg, fobik o Akhaya waharisi.

Roma 15:32

Eke ari fam At Allahen fano ulug ahla buruk halug, nahien anggolo haruk wilil hinambeg waruhukseg, sat yalsaruk wilil fanoroho ninim welamuhuk-o.

1 Korintus 11:34

Eke hit balureg weregma, At Allahen oag del hinabuk nowen ulug, at ap misig aharom obok halug, at ibamen-at naruk amag-o. Eke wene ariroho siuk ulug yig hisahukon etno atog fobik an waharuk aruhukseg, yig hisahuk-o.

1 Korintus 14:5

Eke anden hit obog hinune akelehon-at uruk atlep fano-o, ulug nahla buruk ahion oke, eke Allah wene hinindimuen walug yig isahup ari hag mondog fano nahla buruk ahi-o. Eke at ap misihen it Allah udaki epmano inindi ebebukag ulug une akelehon mirlaloko yig isaruk eleg halug, it inakeleg inune urukon ari doron apmon neken-at wereg-o. Eke Allah wene inindimuen walug yig isarukon ari hag alem suon neken-at wereg-o.

1 Korintus 16:5

Eke an nebe fobik o Makedonia epma watlug ya nohokeg sil waharuk aruhukseg, hinambeg waruhuk-o.

1 Korintus 16:7

Eke kwalema liog ulug suruk wilil, ninggik misihim-at bik hisa wam ari nambit-o; At Ninowe etnowen fano-at uruk halug, ninggik anggolo-at hit ninim welamuhuk-o.

1 Korintus 2:6

Eke anden wene iniluk amon etno-at yig isaruk ahi-o. Eke it kweanmon epmano kidia suon neken wereg oke, fobik inoag eleg amuhubon epmanowen inune enggatsoho ukon etno sohorep isalug, anden it inindi werehon epmano wene iniluk amon etno-at yig isaruk ahi-o.

1 Korintus 4:18

Eke hiren an ninambeg bik nisa waruhu fug neken it ap hiron ninen inonggareg ininuk suontepatarusa-o.

1 Korintus 4:6

Nomini-o, hit epma wene holal balfahon etno seberepfulug hinindi akeleg neken ebereheg, eke hinambit haruk wilil ap misig suontepfeheg, eke ap misig seberepfeheg suruk ahep ha nowen ulug, hiren an at Apolos ninim keroho wereg ulug ninaren baluhuben wene ilitoho neken-at yig hisihi ari, hiren nit keroho welamuk ulug hinahla bukag ulug yig hisihi-o.

2 Korintus 1:23

Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 10:9

Eke an holal bal hisaruk ahion etno fam hinakoltep hisahiog ulug suruk ahi fug-o.

Ibrani 6:3

Ariroho niniluk wilil, alem nin niniluk amag ulug suruk amuk-o. Eke At Allahen fano uruk halug, ariroho suruk amuhuk at-o.

Yakobus 4:15

Ariroho halug, hiren, “At Allahen fano uruk halug, ninebe niniluk wilil, yi angge di angge epmano suhuk,” ulug ariroho uruk am fano-o.