1 Korintus 3:5 - Allah Wene Hurumbik Keron

⁵ Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

1 Korintus 3:5 ပူးပေါင်းရင်းမြစ်များ

Matius 25:15

Inim imbisaruk wilil, at ap misig obam enggatoho surukon etno uang anggen anggolo lima ribu og ereheg, eke at ap misig uang anggen dua ribu og ereheg, eke at misig uang anggen seribu og ereheg suruk apareg, arat lebag-o.

Lukas 1:2

Yig isil nurukmu, it ninen holal umburusa-o nomin.

Yohanes 3:27

Yig ituk apagma, at Yohanes etnowen yig isaruk wilil, “At Allahen yi angge di angge og nisaruk eleg halug, it apheyen holao ari hai-o.

Kisah Para Rasul 18:24

Eke fobik it Yahudi ap misig inuk Apolos, o Aleksandriaen endag apahon etno o Efesus waharisi. Eke at ebe une wene fam baltuk wilil, Alkitab yi wene di wene obog ilukmu,

Kisah Para Rasul 19:1

Eke fobik at Apolos etno o Korintus weregma, eke at Paulus etno o Asia o ahik ya da sil nuruk atisireg, o Efesus waharisi. Waharisireg, fobik omini nin bik isa larisi.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

1 Korintus 16:12

Eke at ninomin Apolos etno hag, it ninomini nin hinim o Korintus bik isa lahun ulug nintul nantul-at yig itikikon oke, awan lahuk ulug ahla buruk-o. Ari fam, fobik bik hisa wamon etno ahla buruk atlug, hinambeg waruhu-o.

1 Korintus 3:10

Eke an At Allah indi hunduhuken og nepareg fam, ap indi enggaron o faltuk ilukon etnowen faltuk etno hag, anden o andorli belaptikik-o. Belapfuruk atikikmu, eke at ap misihen ari fam o ebe faltisi-o. Eke o andorli belaptukon etno inim, eke o faltukon etno inim it obog inakeleg inakeleg keroho faluk ulug inindi ebebukag-o.

1 Korintus 3:22

Eke yi angge di angge obog-at hiren angge wereg-o. Eke at Paulus inim, eke at Apolos inim, eke at Kefas inim, eke kwean duma inim, eke nit ninebe niniluk welaheon epmano inim, eke it waratukon epmano inim, eke o kidia werehon epmano inim, eke o fobik welaruhuon epmano inim obogsoho hiren angge-at wereg-o.

1 Korintus 3:7

Eke i yatukon etno inim, eke hohol warukon etno inim ari we anggimbu neken-at wereg-o; eke at unggum lahapfik waharukon etno Allah akeleg-at wereg-o.

1 Korintus 9:17

Eke anden neyabuk du hulik ulug nahla belerehen, onggo og nemag ulug suruk atleon oke, At Allahen sumbut isawon epmano nobam embebareg fam suruk ahi-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 3:3

Eke hinebe ninaholal baleg neken welahebon ari, At Kristusen baloko belap nisa waharisi-o. Eke ninaholal balehon ari helep fam ambusu watuk etno hag imbirisi fug-o. We ninaholal ari At Allah ilukon Roh Kudus etnowen aphe inindimu holal baleg etno imbirisi-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

2 Korintus 4:7

Eke nit hag wene fanowon etno nit ninaharek onggo anggolo baltukon epmano neken walug laruk aheon oke, ninebe ari ik kobag neken oag elehon-at welahe-o. Eke ariroho welahe ari, nit hag ninoag eleg-o, At Allah-at oag wereg-o, ulug urukon etno selegma amag ulug ariroho welahe-o.

2 Korintus 5:18

Eke ket wal nisarision ari At Allahen-at wal nisarisi-o. Eke nit bilin At ninim healeg welatukukon etno At Kristus inuk fam At Allahen At ninim welamuog ulug dambuk ninaptisireg fam, it aphe nin epmano ilitoho-at At Allah ninim welamon dambuk inabukag ulug mondep nisaharisi-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

2 Korintus 6:4

Eke it ninen dahon epmano ninobam umburuk isalug ninahlahiroho welaheg, eke nit yi angge di angge obok heheg, eke ninindi seneni ebereheg suruk wilil we yuhun-at welahe-o.

Efesus 3:7

Eke an wene yig isil lawag ulug noag weregsoho nombaharisireg, og nitisi etno fam wene fano wene etno anggimbu neken welahi-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:25

Ari At Allahen an neyabuk og nepareg fam, Allah wene uruk amon etno sumbut hisaruk ahi-o.

1 Timotius 1:12

Eke anden yabuk suruk amag ulug At Ninowe Kristus Yesus etnowen oag werehon etno og nitisimu, wa ulug yig ituk ahi-o.

1 Petrus 4:10

Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.