1 Korintus 3:23 - Allah Wene Hurumbik Keron

²³ Hiren angge-at wereg oke, hit hinebe hag At Kristusen angge-at welahep-o, eke At Kristus ebe etno At Allahen angge-at wereg-o.

1 Korintus 3:23 ပူးပေါင်းရင်းမြစ်များ

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

1 Korintus 15:23

Eke ari halug, alem misig misig yig hisaruk ahi-o. At Kristus ari orom iyarlo neken sega faho wereg-o. Eke fobik At waruhu halug, At udaki obog-at iniluk amuhup-o. Iniluk atuk isalug, yi angge di angge inoag elegsoho imbisawon epmano arat fanggog uhu-o.

1 Korintus 11:3

Eke ari halug hit hiniluk amuhuben wene misig eberihion du yig hisaruk ahi-o. Eke it yi ap di ap epmano inungguluag neken At Kristus akeleg-at wereg-o. Eke it hweap inungguluag neken ari inahuni-at wereg-o. Eke At Kristus ungguluag neken At Allah-at wereg-o.

Yohanes 17:18

Eke Haren An nebe o kweanma duma lahap nabik waharikin etno hag, Anden it inebe o kweanma duma lahap isa waharikik-o.

2 Korintus 10:7

Eke hit hag yi angge di angge inahap selemon epmano-at hinilanggen haruk ahep-o. Eke at ap misihen an Kristus amloho-at welahi-o, ulug ahla burukon hinanggelegma epma misig wereg haruk ahep ano? Eke ari halug, onggarehen indi fobik inim ebetaruk amag-o. Eke at ebe Kristus amloho wereg etno hag, nit At Kristus udaki-at welahe-o.

Roma 14:8

Eke ninebe waratuk ahe epmano At Ninoweyen oag del ninabukag ulug-at waratuk ahe-o. Ari halug, niniluk welaheon inim, waratuk aheon inim, At Ninowe etnowen angge-at welahe-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Galatia 5:24

Eke it At Yesus Kristus udaki epmanowen it aphe kweanmon yi angge di angge inindien dag surukon epmano obog-at elegsoho imbisarusa-o.

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

1 Korintus 7:22

Eke ap misig ap inanggimbu wereg heheg, At Allahen ap etno At Ninowe inuk fam wol suruk halug, at ap ari Ninowe inuk suon aharek unde welamon-at atisi-o. Eke ariroho ap misig yi angge di angge unde werehon etno At Allahen wol suruk halug, ap etno At Kristus anggimbu atisi-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Matius 17:5

ulug awan yig ituk heheg, hena wikal neken lahaptukon etno sebe inapag.

1 Korintus 15:28

Eke At Allah yi angge di angge obog-at Inikni suon welamag ulug, At Kristusen yi angge di angge etno obog seberoho Allah apma imbisaruk aruhureg, Allah Amloho inim-at seberepatalug, At yi angge di angge seberep isebahon epmano apma-at ombatahu-o.