1 Korintus 3:13 - Allah Wene Hurumbik Keron

¹³ ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.

1 Korintus 3:13 ပူးပေါင်းရင်းမြစ်များ

Matius 10:15

Eke At Allahen fobik aphe inaren baltuk wilil, o Sodom Gomora dorat ahmu isahuon oke, eke it aphe heahi war hinaptuk elehon epmano mondog inabua isahu fug-o, ulug ariroho suhuon etno hinindi ebetuk amiek-o,” ulug inesanggo watuk apareg, lahap isebag.

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Lukas 2:35

Eke hat hag, karog fam yi angge di angge kahaltuk etno hag, hindi dag atuk wilil, kahal aruhu-o,” ulug yig epag.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 3:12

Eke ap misihen o andorli belapfebahon etno fam faltuk wilil, emas fam faltuk ano, eke perak fam faltuk ano, eke helep fanowon fam faltuk ano, eke e fam faltuk ano, eke watke ilukon fam faltuk ano, eke watke buhon fam faltuk ano,

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:18

Nebe bik nea waharisireg fam, At Yesus waruhu etno sambit At Allahen abua hawag ulug sembahyang uruk ahi-o. Eke at bilin an o Efesus wereg neyeheg yalmag naptisi etno hat hiluk-o.

2 Timotius 3:9

Ariroho seberepfurukon oke, eke it Yanes Yambres urunanggeroho sil nuruk apahon bukal apag etno hag, it ap kidia inenggal urukon epmano it aphe obog inil fam bukal atuk halug, it apheyen sohorep isahup-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Petrus 4:12

Nomini-o, iren dahon hinobam umburuk wilil, hinindi kahaltuk isalug, “Ari keroho-o?” ulug uk fug-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

Wahyu 20:12

Haruk atikikseg weregma, eke it bilin war apahon inim, kidia waratukon inim, inanggohon inim, udag doron inim At Allah olo­hotma minduhuk weregma isarikik-o. Minduhuk weregma inaholal baleg etno bukal atisi-o. It aphe iniluk welamuhubon inaholal baleg etno inim-at bukal atisi-o. Eke it warapahon epmanowen yi angge di angge sebahon epmano inaholal baleg ilanggen kolap heheg oag del inaptukmu nilanggen harikik-o.