1 Korintus 3:12 - Allah Wene Hurumbik Keron

¹² Eke ap misihen o andorli belapfebahon etno fam faltuk wilil, emas fam faltuk ano, eke perak fam faltuk ano, eke helep fanowon fam faltuk ano, eke e fam faltuk ano, eke watke ilukon fam faltuk ano, eke watke buhon fam faltuk ano,

1 Korintus 3:12 ပူးပေါင်းရင်းမြစ်များ

Kisah Para Rasul 20:30

Inindi kahalik wamuhupmu, it ap nin hiron-at waharuk amuhupseg, it Allah udaki epmano inindi kahalukag ulug inenggal wene yig hisa wamuhup-o.

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

1 Korintus 3:11

Eke o andorli belapfebahon etno At Yesus Kristus akeleg-at wereg heheg, it aben o andorli werlekon belapfuk ari hai-o.

1 Korintus 3:13

ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

1 Timotius 6:3

Eke ap misihen dahan fahan yanggul isaruk wilil, At Ninowe Yesus Kristusen demat ulug yig isebahon etno sohorep iseheg, eke niren wene du demat ulug yig hisaruk aheon etno seberep iseheg surukon ari, yi angge di angge apeleg wilil, onggarehen indimu suontepataruk-o.

2 Timotius 2:20

Eke o suon ari fam yi sohorluk di sohorluk anggolo wereg-o. Eke emas olohoreon inim, eke perak olohoreon inim werehon ari inebe suon anduhunmu neken wereg-o, eke e olohoreon inim, eke kwean kabog olohoreon inim werehon ari we doron apma neken wereg-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

2 Timotius 3:7

Eke it hweap yuhun-at werehon ari, inindien-at suruk wilil, dag anggolo-at suruk-o. Ariroho suruk wilil, wene keron misig niluk amag ulug surukon oke, wene demat urukon etno inapeleg welamuhup-o.

2 Timotius 4:3

Eke fobik it aphe ninen wene demat ulug yanggul isawon etno sohorep isalug, inindien-at suruk wilil, ap misihen yanggul niseheg, at misihen yanggul niseheg yig nisarukmu, ninesanggo holtulen yig nisawag-o, ulug uruk amuhupmu, it dindilabug inesanggo holuk inindion etno-at yig isaruk amuhup-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.

Wahyu 21:18

At malaikaren ariroho it apheyen wa­langge suruk etno hag wa­langge sirisireg weregma, o sumu ebe emas fam segma, olohore wukahi ilitoho il fanowon etno ilitoho harikik-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.