1 Korintus 3:10 - Allah Wene Hurumbik Keron

¹⁰ Eke an At Allah indi hunduhuken og nepareg fam, ap indi enggaron o faltuk ilukon etnowen faltuk etno hag, anden o andorli belaptikik-o. Belapfuruk atikikmu, eke at ap misihen ari fam o ebe faltisi-o. Eke o andorli belaptukon etno inim, eke o faltukon etno inim it obog inakeleg inakeleg keroho faluk ulug inindi ebebukag-o.

1 Korintus 3:10 ပူးပေါင်းရင်းမြစ်များ

Matius 24:45

At Yesusen yig isaruk wilil, “Anggimbu indi enggaron ilukon etno sa-o? Ari, at o unde etnowen anggimbu fanowon etno heako umbulug, it anggimbu nin epmano inowe neken wilil, inaso welaheg, eke osi epmano inaharom nintul nantul og iseheg suruk amag ulug minduhupfuruk-o.

Matius 7:24

At Yesus etnowen yig isaruk wilil, “It aphe obog An nune du inesanggo holtuk atlug ilitoho-at surukon etno inawene du ilitoho neken yig hisamin-o. It etno ap indi enggaron etno ilitoho wereg-o. Eke at ap etnowen ibam aloma-at oag weregsoho falepataruk apagma,

Lukas 11:35

Eke hit o seleg hinindimu werehon etno hik am nowen ulug, fikfag yaharoho welamuk-o.

Lukas 21:8

Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Kisah Para Rasul 18:27

Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 15:15

Eke ariroho nahla buruk ahion oke, holal du fam nune oag weregsoho hinesanggo war hinabihi ari, hiren alem nin hinindi ebebukag ulug-at yig hisihi-o. Eke an nune oag weregsoho hinesanggo war hinabihi ari, At Allahen nabua nearuk wilil,

Roma 15:20

Ariroho wene fano wene etno yig isil laruk wilil, it At Kristus inuk inesanggo holtuk eleg ambeg epmano-at yig isil larikik ari, ap misihen o andorli belabeg ambeg etno anden falihi ha nowen ulug, wene inapeleg ambeg-at yig isil larikik-o.

1 Korintus 3:11

Eke o andorli belapfebahon etno At Yesus Kristus akeleg-at wereg heheg, it aben o andorli werlekon belapfuk ari hai-o.

1 Korintus 9:2

Eke it ap werlekon ninen, at Paulus wene yig isil nuruk amag ulug mondepfebag fug, ulug inahla belebon oke, hit hag wene yig hisa wamag ulug mondep naharisi-o. Eke hit hag wene yig hisil wamag ulug mondep nahabahon demat bukag ulug, hit wene etno eberoko warikipseg, At Ninowe hinim hinindi hunduhuk welahep-o.

2 Korintus 10:15

Eke ari halug, nit ninowalangge etno-at wereg heheg, it ap ninen yabuk suruson epmano farim du niren surukuk ulug suontepataruk ahe fug-o. Eke hit hinanggelegma epmen Allah wene etno su atuk halug, At Allahen ninowalangge og nisarisi etno hag hinanggelegma epmen yabuk suon misig suhuken ulug ninahla buruk ahe-o.

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

Kolose 4:17

Eke at Arkhipus etno, Allah yabuk suruk amag ulug yig hitision etno fanoroho-at suhun-o, ulug yig imuk-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

2 Timotius 2:15

Eke At Allah hat yabuk fano suruk ahen ulug yig nemag ulug yabuk etno henggali elegsoho wilil suruk amin-o. Eke Allah wene demat ulug yig nisebahon etno fikfag aphe yanggul isaruk amin-o.

Yakobus 3:1

Nomini-o, hit obohen, an ap yanggul isarukon welaruhuk ulug uk fug-o. It aphe werlekon hag inaren baluhu oke, nit ap yanggul isarukon etno hag fikfag ninaren baltuk aruhureg, hinog anggolo og ninabuhu oke, niren dahan fahan suruk aheon epmano niniluk-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

2 Petrus 3:15

At Allahen ninabua nisalug ninaso wereg-o. Ariroho wereg ari, fobik ninili wiog ulug ninaso wereg-o, ulug hinindi ebetuk amiek-o. Eke an wene yig hisaruk ahi du, bilin at Paulusen holal fam yig hisarision etno-at yig hisaruk ahi.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.

Wahyu 21:19

Harikikseg eke o andorli falehon etno helep fano­won fam faleg weregma harikik-o. Helep fanowon ininuk ari, misig inuk yaspis, misig inuk nilam, misig inuk mirah, misig inuk zamrud,