1 Korintus 2:6 - Allah Wene Hurumbik Keron

⁶ Eke anden wene iniluk amon etno-at yig isaruk ahi-o. Eke it kweanmon epmano kidia suon neken wereg oke, fobik inoag eleg amuhubon epmanowen inune enggatsoho ukon etno sohorep isalug, anden it inindi werehon epmano wene iniluk amon etno-at yig isaruk ahi-o.

1 Korintus 2:6 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 19:21

Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Lukas 16:8

Yig ituk apagma, eke at ap anggimbu ikni etno esanggo holtuk apareg, yig ituk wilil, ‘It obog hat homini welamag ulug hindi enggaren holal etno miraloko embehen hihi-o,’ ulug yig epag-o. Ariroho yig epareg fam, it aphe kweanmon duma ineyabuk inindi enggatoho surukon oke, it o seleg udaki epmano hag dorat inindi enggatoho suruk-o,” ulug At Yesusen yig isebag.

1 Korintus 1:28

Eke it apheyen ap du kimbu angge ulug inambilik butuk urukon epmano inim, eke ap du haion ulug inahla burukon epmano inim, eke du ebe elehon ulug inahla burukon epmano inim, obog At Allahen imig inapag-o. Eke ariroho sebag ari it aphe kweanma dumen du suon ulug inahla burukon epmano alem elehepfiog ulug At Allahen ap doron epmano imig inapag.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 14:20

Eke hit hinahla buruk ahebon ari it udag doronen inahla buruk epmano hag hinahla buruk am fug-o, nomini. Eke dag suruk ahebon ari hag sohorep isalug it udag fuangge wereg epmano hag welamuk-o. Eke hinahla buruk ahebon ari hag it ap inanggohon inindi werehonen fanoroho wereg epmano hag welamuk-o.

1 Korintus 2:1

Eke an nebe bilin hinambeg waharikikseg, At Allahen sebahon wene etno-at dindiloko yig hisa waharikik-o, nomini. Eke it ap ninindi wereg ulug inahla burukon epmanowen inune yaron, fanowon neken uruk etno hag an yig hisa waharikik eleg-o.

1 Korintus 2:13

Eke At Allahen og nisebahon etno ari, it aphe ninindi wereg ulug inahla burukon epmanowen inune enggatoho neken yig isaruk etno hag yig isaruk ahe fug-o. Eke it aphe Roh Kudus inindimu werehon epmano wene demat urukon etno yanggul isaruk wilil, At Roh Kudusen yanggul nisarukon etno-at uruk ahe-o.

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

1 Korintus 3:1

Nomini-o, an hit ninim wene baltukukon etno hit aphe Roh Kudus inindimu werehon ulug yig hisarikik fug-o. Hinebe kweanmon wilil, At Kristus udaki fuangge neken weregma yig hisarikik-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

2 Korintus 4:3

Eke wene fano wene yig isaruk aheon etno wene du herahowon-at yig nisaruk-o, ulug it aphe o dagma lahubon epmanowen-at uruk-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

Ibrani 5:14

Eke it naruk angge arikon narukon ari, ap inanggohon neken wereg-o. Eke it ap inanggohon etno hag, inindi wereg wilil, du dag du fano ulug fultukon etno iniluk atisi-o.

Ibrani 6:1

Ari halug, At Kristus awene alem-at yig nisaruson etno dot awan wereg heheg, wene ebe undamon it inanggohonen inahla burukon etno niniluk amag ulug yanggul saruk amuk-o. Eke niren dag suruk atukukon sohorep isawon etno inim, eke At Allah obam ebebukon etno inim niniluk atukukseg, o andorli neken arat umburukukseg fam, fobik inim umbuk ari hai-o.

Yakobus 3:15

Eke ariroho surukon ari, alem boholmen waharuk eleg-o; kweanmen-at wereg atuk ari, at setanen suruk epmano hag suruk-o.

Yakobus 3:2

Eke at ap misig nintul nantul dahan fahan uruk elehon halug ari, fano mondog motoho suruk-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.