1 Korintus 2:4 - Allah Wene Hurumbik Keron

⁴ Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

1 Korintus 2:4 ပူးပေါင်းရင်းမြစ်များ

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Kisah Para Rasul 26:28

at Agripa etnowen Paulus yig ituk wilil, “Hat kidia wene horohon ehenon etno fam anden At Kristus wene dulum-at eberoko wawag ulug uruk ahen?” ulug yig ituk atisimu,

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

1 Korintus 1:17

Eke anden aphe ikma belap inaptuk amag ulug At Kristusen lahap nabik wapag ari eleg-o. Wene fano wene etno-at yig isaruk aruhunen ulug lahap nabik wapahon oke, at e fam lenggaloko embebahon wene etno it inahlahairepfuk nowen ulug, it ap inindi werehonen inune uruk epmano hag yig isarikik fug-o. At Yesus Kristus inuk fam wene oag werehon etno-at yig isaruk ahi-o.

1 Korintus 2:1

Eke an nebe bilin hinambeg waharikikseg, At Allahen sebahon wene etno-at dindiloko yig hisa waharikik-o, nomini. Eke it ap ninindi wereg ulug inahla burukon epmanowen inune yaron, fanowon neken uruk etno hag an yig hisa waharikik eleg-o.

1 Korintus 2:13

Eke At Allahen og nisebahon etno ari, it aphe ninindi wereg ulug inahla burukon epmanowen inune enggatoho neken yig isaruk etno hag yig isaruk ahe fug-o. Eke it aphe Roh Kudus inindimu werehon epmano wene demat urukon etno yanggul isaruk wilil, At Roh Kudusen yanggul nisarukon etno-at uruk ahe-o.

1 Korintus 4:20

Eke At Allah weregmen sukon ari inune urukon epmano fam suruk eleg-o. Eke inindi oag werehon epmano fam-at suruk-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Kolose 2:4

Ari halug, ap urunangge neken sil nurukon misihen wene fanowon du at-o ulug hinindi kahalik wam nowen ulug an wene du yig hisaruk ahi-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.