1 Korintus 2:14 - Allah Wene Hurumbik Keron

¹⁴ Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

1 Korintus 2:14 ပူးပေါင်းရင်းမြစ်များ

Matius 16:23

At Yesus etnowen olohore dahagsoho at Petrus etno yig ituk wilil, “Hat iblis nambolma welahen ari wilip amin-o. Haren An nolohot baltuk ahen-o. Eke hat At Allahen indi ebetuk etno hag ebetuk ahen fug-o. It apheyen inindi bulug uruk etno hag ehen hihi-o,” ulug yig epag.

Yohanes 10:20

Ariroho wilil, it ninen, “Ap du setan indimu wilil, nenek neken urukon du keroho ulug At une holtuk ahep-o,” ulug uruk apagma, eke it ninen, “Eleg-o, At setan indimu welatlepmen, wene ariroho elep fug-o.

Yohanes 12:37

Herag apareg fam, it Yahudi ap epmano inil fam sukfugangge anggolo suruk apahon oke, it ninen At obam ebereheg eleg-at welapag.

Yohanes 14:17

Eke it aphe kweanmon Allah wene waruk elehon epmanowen At Roh Kudus etno inilanggen haruk wilil, ebe iniluk aheg suruk eleg etno fam, At Roh Kudus etno inindimu kuruk eleg-o. Eke hit hag At ebe hiniluk welamuhup etno fam, At ebe hinindimu wilil, nintul nantul hinim welamuhup-o,” ulug yig isebag.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 8:43

Eke hit Anden yig hisaruk ahion etno nulug hinindi ebetuk ahep fug ari, wene Anden uruk ahion etno hinamberaken-at suruk ahep-o.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 17:32

Eke at Paulusen ap warehon minduhupfisahu-o ulug yig isarision etno inesanggo holtuk atusareg, it ninen ahunda yatusa. Ahunda yatuk atusama, eke it ninen yig ituk wilil, “Ehenon etno fobik dahagsoho yig nisahun-o,” ulug yig ituk atusama,

Kisah Para Rasul 18:15

Eke hiren yi wene di wene inim, yi inuk di inuk inim, wene duroho suruk amuk eke duroho suruk am fug ulug ebahon alem etno fam winimug aptuk ahep ari, hit hinakelehen-at iek-o. Hiren yi wene di wene ehebon epmano fam anden aren balimin fug-o,” ulug at Galio etnowen it Yahudi ap epmano yig isaruk atisireg,

Kisah Para Rasul 25:19

At obam denggeltusa ari alem suon elehen, we iren wene duroho suruk amuk eke duroho suruk am fug ulug ebahon etno fam obam denggeltusa. Eke alem misig ari ap inuk Yesus warapahon etno farim at Paulusen At ebe iluk wereg-o, ulug yig isarision etno fam obam denggeltusa.

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

1 Korintus 1:25

Eke it apheyen an nindi wereg-o ulug inahla burukon epmano doron-at-o, eke At Allahen ahla burukon etno hag suon-at wereg-o. Eke At Allah oag eleg neken surukon ari oag werehon at-o, eke it apheyen inoag weregsoho surukon ari mondog oag eleg-o.

1 Korintus 15:44

Eke i yahowon ari ninebe kweanmon-at oke, unggum wilip aruhuon ari boholmon-at welaruhu-o. Ninebe kweanmon welaheon oke, boholmon-at welamuhuk-o.

1 Korintus 15:46

Eke boholmon ari bilinon neken wereg eleg-o. Eke at kweanmon ari bilinon neken wereg-o, eke fobikon neken ari boholmon etno wereg-o.

1 Korintus 2:12

Eke At Allah indi hunduhuken og nisebahon etno niniluk amag ulug, nit it ap kweanmon inahurangge epmanowen og nisebag fug-o. At Roh Kudus belap nisa wapahon etnowen-at og nisebag-o.

1 Korintus 3:1

Nomini-o, an hit ninim wene baltukukon etno hit aphe Roh Kudus inindimu werehon ulug yig hisarikik fug-o. Hinebe kweanmon wilil, At Kristus udaki fuangge neken weregma yig hisarikik-o.

Yakobus 3:15

Eke ariroho surukon ari, alem boholmen waharuk eleg-o; kweanmen-at wereg atuk ari, at setanen suruk epmano hag suruk-o.

1 Yohanes 2:20

Hit halug, Roh Kudus hinobam imbirisimu, yi angge di angge epmano obog hiniluk-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Yudas 1:19

Ari it winimug nisaruk ari, ninambit ulug o misig laheg sil nurukon etno inim, it aphe kweanmon epmano inim, it Allah Roh Kudus inindimu kuruk elehon epmano inim inawene amuk-at ebahon wereg-o.