1 Korintus 2:13 - Allah Wene Hurumbik Keron

¹³ Eke At Allahen og nisebahon etno ari, it aphe ninindi wereg ulug inahla burukon epmanowen inune enggatoho neken yig isaruk etno hag yig isaruk ahe fug-o. Eke it aphe Roh Kudus inindimu werehon epmano wene demat urukon etno yanggul isaruk wilil, At Roh Kudusen yanggul nisarukon etno-at uruk ahe-o.

1 Korintus 2:13 ပူးပေါင်းရင်းမြစ်များ

Lukas 12:12

At Roh Kudus etnowen yanggul hisaruk halug, ari sambit uhup-o,” ulug At Yesusen yig isebag.

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

1 Korintus 1:17

Eke anden aphe ikma belap inaptuk amag ulug At Kristusen lahap nabik wapag ari eleg-o. Wene fano wene etno-at yig isaruk aruhunen ulug lahap nabik wapahon oke, at e fam lenggaloko embebahon wene etno it inahlahairepfuk nowen ulug, it ap inindi werehonen inune uruk epmano hag yig isarikik fug-o. At Yesus Kristus inuk fam wene oag werehon etno-at yig isaruk ahi-o.

1 Korintus 14:2

Eke at ap misig une akelehon-at yig isarukon ari, it aphe inesanggo holtuk eleg iseheg, At Allah-at yig ituk-o. Ariroho yig ituk wilil, At Roh Kudusen wene herahowon-at yig itukmu yig isarukon oke, it apheyen At une etno inesanggo holtuk eleg-o.

1 Korintus 2:1

Eke an nebe bilin hinambeg waharikikseg, At Allahen sebahon wene etno-at dindiloko yig hisa waharikik-o, nomini. Eke it ap ninindi wereg ulug inahla burukon epmanowen inune yaron, fanowon neken uruk etno hag an yig hisa waharikik eleg-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

1 Korintus 2:4

Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

1 Korintus 9:11

Eke niren i angge boholmon etno yahap hisarukukon etno fam, hiren angge kweanmon bal salug, onggo og nisao ari hai behep ano?

Efesus 5:19

Eke hit hit wilil, mazmur alem inim, enggangga inim eke i-u inim fanoroho uruk amuk-o. Eke hinindimuen Ninowe wa ulug At ake di etno uruk amuk-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.