1 Korintus 16:2 - Allah Wene Hurumbik Keron

² Eke hit o hari Minggu fam nintul nantul hit hinaharek werehon halug, anggoloroho embeheg, eke hit hinaharek elehon halug, dorat embeheg suruk wilil, uang epmano hit an awan waharuk eleg nealug dugsoho umburuk amuk-o.

1 Korintus 16:2 ပူးပေါင်းရင်းမြစ်များ

Markus 14:8

At hwe du ariroho suhuk ulug ahla burukon etno-at sehek-o. Eke An fobik wararuhukmu nebe o wikelma nombahakubon etno awan heheg oke, namben eleg welamag ulug at hwe duen arat sehek-o.

Lukas 16:10

Eke ap misig yi angge di angge doron fanoroho surukon etnowen suon etno fanoroho-at suruk-o. Eke ap misig yi angge di angge doron yamintalsoho surukon etnowen suon etno yamintalsoho-at suruk-o.

Lukas 24:1

Ariroho bok welapareg fam, o hari Minggu nit sembahyang uruk ahe etno fam ilikia o mo awan lahik waharuk heheg, it hweap epmano e engga fanowon dug sebahon etno walug, o wikelma etno lebag.

Yohanes 20:19

Eke fobik o hari Minggu nit sembahyang uruk ahe etno sambit hup atuk apagma, it At Yesus omini epmano wonggalik waharuk apareg, it Yahudi ap epmano inakolen inibam sok fikfag laroko weregma, At Yesus etno inahla minarik wapag.

Yohanes 20:26

Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Kisah Para Rasul 20:7

Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

2 Korintus 8:10

Eke ari halug, alem misig du nahla buruk ahion etno yig hisamin-o. Hit hag hinonggareg hinindi buluhen tahun misig bilin welatukukon etno fam hit alem bilinon neken sirikibon epmano kidia atog suk fano ulug yig hisaruk ahi-o.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.