1 Korintus 16:16 - Allah Wene Hurumbik Keron

¹⁶ Eke it etno inim, eke it nin yabuk fanoroho suruk wilil, Allah udaki inaso werehon etno inim inune holtug mutlug alu-o.

1 Korintus 16:16 ပူးပေါင်းရင်းမြစ်များ

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

1 Tesalonika 5:12

Nomini-o, eke it ap hineyabuk seheg, eke hit hinindi aso welaheg, eke hinesanggo wareheg suruk amag ulug At Allahen heako minduhup isarision epmano hiniknisi neken it inune hinesanggo holtuk amuk-o.

3 Yohanes 1:8

Ari halug, nit Allah udaki epmanowen ap ari ninambeg waharuk isalug, ninim nohulen, yig isimuk-o. Ariroho yalmag isaruk wilil, eke Allah yabuk etno-at suruk ahe-o, ulug ninindi ebebuk-o.

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

1 Timotius 5:17

Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Efesus 5:21

Eke hit obog-at Kristus hinakoltoho welahebon epmano hit hit napma hapma wilil seberoho welamuk-o.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

1 Korintus 3:9

Eke nit hag At Allah eyabuk ninim suruk aheon-at welahe-o. Eke hit Allah eyabuk inim, ifaleg inim hit-at welahep-o.

Roma 16:12

Eke it hweap Trifena Trifosa At Ninowe eyabuk surukon etano inim, eke at nomin nindi hunduhukon inuk Persis At Ninowe eyabuk anggolo sirision etno inim obog-at heahi war inaptuk amuk-o.

Roma 16:9

Eke at an nomin Urbanus, At Kristus eyabuk ninim suruk aheon etno inim, eke nomin nindi hunduhukon Stakhis etno inim obog-at heahi war inaptuk amuk-o.

Roma 16:6

eke at hwe Maria hit hinake yabuk anggolo sirision etno inim heahi war inaptuk amuk-o.

Roma 16:3

Eke it Priskila Akwila ninim At Kristus Yesus eyabuk suruk aheon epmano heahi war inaptuk ahi-o.

Ibrani 13:24

Eke it hinowesi obog epmano inim, eke it Allah udaki obog epmano inim obog-at heahi war hinaptuk ulug yig isimuk-o. Eke it hinomini o Italia werehon epmanowen heahi war hinaptuk-o.