1 Korintus 15:3 - Allah Wene Hurumbik Keron

³ Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.

1 Korintus 15:3 ပူးပေါင်းရင်းမြစ်များ

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Matius 26:28

An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.

Lukas 24:25

Yig ituk apagma, eke At Yesusen yig isaruk wilil, “Hit it nabi ap Allah wene hurumbik ebahon etno hinindimu ebereheg eleg urunangge neken welahep-o.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Kisah Para Rasul 17:2

at Paulus bilin sirisi etno hag, it o Allah wene uruk ambeg etno kirisi. Kuruk atisireg, sembahyang henahan wilil it aphe epma wene yig isarukmu, eke iren onggo yig ereheg suruk atusareg,

Kisah Para Rasul 3:18

Eke At Allahen bilin it nabi inune fam At Kristus wabuhup-o ulug hurumbik yig isebag-o. Hurumbik yig isebag etno ilitoho-at seg atisi etno hiniluk-o.

Kisah Para Rasul 8:32

inim wane suruk apag, At Yesayaen uruk wilil, “At ebe etno wam domba neken senoko wabukag ulug welapag-o. Eke wam domba udag misig iruk baltukmu, une uruk eleg etno ilitoho une eleg-at welapag-o.

Roma 3:25

Eke At ebe At Allahen og nisebagma, nit ninake warapareg fam, ninindi At obam ebetuk nisalug, niren dag suruk atukukon epmano sohorep isalug, ninobam ninapelegsoho At apma ninombisaharuk-o. Eke At Allahen aphe ninim ariroho dambultuk ahe-o ulug surukon etno selegma amag ulug At Kristus og nisebag-o. Eke o amuk it aphe dag sebahon etno At Allah indi hunduhuk wilil dulum war inabuk sohorep isalug, inaso welapahon oke,

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

1 Korintus 11:2

Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

1 Korintus 11:23

Eke At Ninoweyen yanggul nitision etno anden yanggul hisaruk ahi etno du at-o; eke At Ninowe Yesus wabukag ulug yonggo yig isa lebag etno sambit hupmu Aren orom roti inggikmu waruk wilil,

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 1:12

Eke wene ari ap misihen og nitisi fug-o, eke at ap misihen yanggul nitisi fug-o, At Yesus Kristus etno akelehen-at dindiloko yig nitisi-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Ibrani 5:1

Eke it ap nin Allah unde wilil, nit farim Allah yabuk suruk amag ulug, inomini inanggelegmen heako minduhup isaruk-o.

Ibrani 5:3

Ariroho wilil, it aphe nin inapelegsoho wilil dahan fahan surukon etno inahmu isaruk am ari fano-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.