1 Korintus 15:2 - Allah Wene Hurumbik Keron

² Eke hit hinindi ebetikibon ari werlek-at ebetikip fug-o. Eke ari halug, hit anden yanggul hisarikikon etno seneg wereg hisalug, At Allahen wene ari fam hinili og hinaptuk aruhu-o.

1 Korintus 15:2 ပူးပေါင်းရင်းမြစ်များ

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Kisah Para Rasul 2:47

Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 8:13

Belap inaptuk weregma, at Simon etnowen an Allah wene waruk ahion-at-o ulug uruk apagma, ikma belapfebag. Ikma belapfuruk apagma, at Filipus inim horogsoho wilil, at Filipus etnowen sukfugangge anggolo surukmu wi ulug fog suruk apag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 11:22

Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 11:2

Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

1 Korintus 15:14

Eke At Allahen At Kristus minduhupfelep fugmen, hit obog wene yangguloko yig hisarukukon epmano wene ebe eleg neken wilil, hit hinindi ebetukon epmano ebe eleg neken welatlep-o.

2 Korintus 2:15

Eke kemenyan etno hondok yalepfurukmu amben fanowon haruk etno hag, At Kristus awene fanowon etno yig isawag ulug lahap nisarukmu, At Allahen ilanggen nisaruk-o. Eke it aphe nin amben dahon misig etno halug, waratuk etno hag, it aphe nin o dagma lahubon epmanowen Allah wene inesanggo holtuk oke, inindimuen ninambit buruk wilil, inili holaruk eleg etno fam waratuk-o. Eke it aphe nin amben fanowon misig halug, inahien suruk etno hag, it aphe nin o fanoma lahubon epmanowen Allah wene inindimuen eberoko waruk ari fam inili holaruk-o. Eke ari halug, Allah wene yig isawon etno at sen iluk wereg-o?

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 3:4

Eke yi angge di angge hinobam umburuson epmano werlek-at ninombisaharusa ulug hinahla buruk ahep ano? Ari eleg-o. Werlek-at hinombisaharusa fug-o.

Efesus 2:8

Eke At Allahen hinabua hisebareg fam hit demat ulug eberoko warukmu hinili warisi-o. Eke hit fano suruk hisalug, hinili warisi fug-o. We yuhun-at hinili warukon etno og hisarisi-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

2 Tesalonika 2:15

Ariroho wol hinaptisireg fam, hit hinindi oag weregsoho wilil, niren ninune fam inim, eke ninaholal etno fam inim wene du demat ulug yanggul hisarukukon etno-at seneg welamuk-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

Ibrani 10:23

Eke At Allahen og hisahuk ulug ebahon etno demat og nisahu ulug ninahla buruk wilil, fanowon og nisahu ulug uruk aheon etno ninindi eberegsoho welamuk-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Yakobus 2:14

Nomini-o, at ap misig ambilik famen, “An Allah wene waruk ahion at-o,” ulug urukon oke, eke ilitoho suruk eleg halug ari, enggal-at uruk-o. Eke fobik inambiliken urukon etno fam inili wahu fug-o.

Yakobus 2:17

Ari Allah wene hinambilik selema-at uruk wilil, ilitoho suruk eleg hisalug, ap warehonen yi angge di angge suruk eleg etno hag wilil, Allah wene waruk ahep-o.

Yakobus 2:26

Eke ap misig ebe wereg oke, ahut eleg halug, warehon neken wereg etno hag, eke ap misig Allah wene warukon oke, wene atog ilitoho suruk eleg halug, warehon neken wereg-o.