1 Korintus 14:3 - Allah Wene Hurumbik Keron

³ Eke at ap Allah wene indimuen walug yig isarukon arien aphe-at yig isaruk wilil, inindi oag wereg amag ulug inesanggo wareheg, eke une fanoroho yig iseheg, suruk-o.

1 Korintus 14:3 ပူးပေါင်းရင်းမြစ်များ

Lukas 3:18

at Yohanes etnowen wene fano wene etno yanggul isaruk wilil, fikfag inesanggo watuk apag. Inesanggo watuk apareg weregma,

Kisah Para Rasul 13:15

Horie uruk apareg weregma, it wene urukon epmanowen at Musaen wene holal embebahon etno inim, eke it nabien wene holal embebahon epmano inim yig isaruk apagma, it o Allah wene uruk ambeg unde werehon epmanowen at Paulus omini epmano inim yig isaruk wilil, “Nomini-o, wene misig wereg halug, nit nindi ninahien hulen ulug yig nisimiek-o,” ulug yig isaruk apagma,

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 15:32

Inahien haruk apagma, it Yudas Silas Allah wene yig isarukon etano inomini inim ininggik anggolo wilil, it epmano inoag wereg amag ulug, Allah wene yig isaruk apag.

Kisah Para Rasul 4:36

It ninen og isa lebag etno hag, at ap misig inuk Yusuf, ungguluag Lewi, ibam o Siprus epmen endag apahon etno waharuk apagma, it mondep isebahon epmanowen ninindi fano ninaptukon ulug inuk Barnabas soalfag.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Roma 12:8

Eke nineyabuk aphe inindi oag werehep isawon etno og nisarisi halug, etno ilitoho-at suruk amuk-o. Eke yi angge di angge menag isaruk amon etno, ninindi seberoho-at wilil, menag isaruk amuk-o. Eke aphe inindi aso welamon etno yabuk ninarug fanoroho-at suruk amuk-o. Eke it aphe inabuen surukon epmano ninindi ninahientoho-at suruk amuk-o.

Roma 14:19

Eke ari halug, ninebe obog fanoroho wilil, dambuksoho welamuhuken ulug nit nit ninindi oag werehepataruk amuk-o.

Roma 15:2

it ninomini epmano inahien hawag ulug suruk am ari fano at-o. Ariroho suruk wilil, it inebe fano aheg, inindi oag wereg aheg sukag ulug suruk am ari fano at-o.

1 Korintus 10:23

Anden yi angge di angge siog ulug yuhun-at welahion oke, eke yi angge di angge surukon epmano fam fano naptuk eleg-o. Eke anden yi angge di angge siog ulug yuhun-at welahion oke, yi angge di angge surukon epmano fam fano seko ninombisaharuk eleg-o.

1 Korintus 14:12

Eke ari halug, hit Roh Kudusen og hisarukon etno huluog ulug suruk wilil, it Allah udaki epmano inindi werehep isuog ulug suruk amiek-o.

1 Korintus 14:17

Eke hiren Allah wa ulug fanoroho-at uhubon oke, it nin epmano hag inindi ebebuhup fug-o.

1 Korintus 14:26

Eke ari halug, hiren uruk amon duroho yig hisamin-o, nomini. Hit sembahyang uog ulug wonggalepfulug, at misihen di misig eheg, eke at misihen wene yanggul iseheg, eke at misihen hurumbik wene yig iseheg, eke at misihen inune akelehon fam yig iseheg, eke at misihen ariroho ehek ulug inune akelehon etno mirlaloko yig iseheg suruk wilil, At Allah udaki epmano inindi oag wereg amag ulug yig isaruk amuk-o.

1 Korintus 14:31

Eke hit obog-at Allah wene hinindimuen walug at misihen eheg, at misihen eheg, yig isaruk amuhup ari fam, it obog iniluk amuhupseg, inindi oag wereg aruhu-o.

1 Korintus 8:1

Eke kidia wam usa surukon nawon etno farim alem yig hisamin-o. Wam inu fam kwanangge usa surukon epmano nit obog-at alem niniluk atisi-o. Eke alem surukon etno-at niniluk welamon etno fam niren suontepataruk aheon oke, ninindi it aphe ninim hunduhuk welamon epmano fam aphe inindi werehep isaruk ahe-o.

2 Korintus 1:4

Eke dahon epmano ninobam umburuk isalug, Aren ninahlahiroho yig nisaruk wilil, yalmag ninaptuk etno fam, niren it nin dahon inobam umburuk isalug, inahlahiroho yig isaruk wilil, yalmag inaptuk ahe-o.

2 Korintus 2:7

Eke ari halug, at dag sirision etno obam apelegsoho hinapma imbiuk-o. Ariroho wilil, at ap etno indi mondog dag am nowen ulug indi wereg amagsoho hinune fanoroho yig ituk amuk-o.

Efesus 4:29

Eke wene uruk ahebon ari, hinune winimugsoho uk fug-o. Eke it ap hinune yig isaruk ahebon epmano inindi fano amag ulug, hinune wiogsoho urukmu, aphe inindi oag werehep isawon etno-at uruk amiek-o.

Efesus 6:22

Eke nit obog duma keroho wereg ulug hit hiniluk atlug hit hinindi oag wereg amagsoho at Tikhikus etno hinambeg lahapfik waharuk ahi-o.

Kolose 4:8

Eke hit hinindi dag atukon etno fano amag ulug wene etno it duroho wereg ulug yig hisahu ari, ariroho yig isahunen ulug anden lahapfuruk ahi-o.

1 Tesalonika 2:11

Eke iniknisien inudaki fanoroho yig isaruk etno hag, yig hisaruk atukukon etno hit hiniluk-o.

1 Tesalonika 2:3

Ariroho oag werehep nisaharisireg fam, wene ninenggal-at yig hiseheg, eke yamintal neken yig hiseheg suruk atukuk fug-o. Ariroho suruk eleg wilil, hinesanggo war hinaptuk atukuk-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 4:18

Ninowe etno ninim welamuhuk ulug hinahla buruk wilil, hit hit hinesanggo wataruk amuk-o.

2 Tesalonika 3:12

Eke it ap inaborali werehon epmano inaplohok elegsoho wilil, inaharom iren angge-at nawag ulug At Ninowe Yesus Kristus inuk fam yig hisaruk ahe-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

1 Timotius 4:13

Eke an wamon etno naso wilil, nintul nantul Allah wene etno wane seheg, eke inesanggo wareheg, eke wene etno yanggul iseheg suruk amin-o.

1 Timotius 6:2

Eke iniknisi arien Allah wene waruk isalug, it inanggimbu etnowen, an nikni ninim hunduhuk weregma, fanowon etno-at og niruhu etno fam kidia at eyabuk fanoroho at suruk aruhuk-o, ulug inahla bukag-o, ulug anden yi wene di wene yig hirihion etno it aphe obog-at yanggul isaruk amuk-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Titus 1:9

eke wene du demat ulug indi fam eberoko waru­kon inim, ap arion aphe inindi aso welamag ulug minduhupfuk ari fano-o. Eke ap arion halug, wene etno fanoroho iluk wilil, it aphe nin inesanggo wareheg, eke it nin inenggal urukon epmano winimug yig iseheg suruk aruhu-o.

Titus 2:15

Wene du yig isaruk wilil, it aphe hune inesanggo holtukon epmano inaso welaheg, eke inesanggo wareheg suruk amin-o. Ariroho suruk healug, eke ap misihen hat seberep hahaku fug-o.

Titus 2:6

Eke it udag elege etno ari inindi seberoho welamag ulug inaren baltuk wilil yig isaruk amin-o.

Titus 2:9

It ap inanggimbu etno iniknisi dombog inune holtuk wilil, wene onggo yig iseheg eleg-at inindi hunduhuk welamag ulug yig isa­ruk amin-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

Ibrani 3:13

Eke dag sukon etnowen hinindi kahalik waharuk halug, ninindi dahapatehe ha nowen ulug nintul nantul hit hit hinesanggo war war uruk amuk-o. Eke at Alkitab etnowen yig nisaruk wilil, “O yoho At Allah une etno hinesanggo holtuk ahep ulug yig nisebag halug, nintul nantul-at ariroho uruk amuk-o.”

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.