1 Korintus 13:3 - Allah Wene Hurumbik Keron

³ Eke an naharek epmano obog-at sumbut iseheg, eke an nebe hondok yal nabukag ulug imig seheg suruk wilil, nindi hunduhuk eleg welatlemen, fanowon etno ombatele fug-o.

1 Korintus 13:3 ပူးပေါင်းရင်းမြစ်များ

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Lukas 18:22

Ulug yig ituk apagma, At Yesus etno esanggo holtuk apareg, yig ituk wilil, “Hat wene misig du-at waruk ahen fug hiyihi-o. Wene ebe waruk ahen fuhon ari, hat yi angge di angge anggolo werehon epmano nin uang anggen onggo baloko, it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 18:28

Yig isaruk apagma, at Petrus etnowen yig ituk wilil, “Ninowe-o, nit ninibam epmano sohorep isalug, hat ninim sil nuruk amuog ulug waharukuk-o,” ulug yig epag.

Lukas 19:8

Uruk apareg weregma, at Zakheus etno minatuk apareg, At Yesus etno yig ituk wilil, “Nowe-o, Hat hesanggo holin-o. An naharek hiroho minggiroko it ap inaharek elehon epmano og isaruk aruhuk-o. Eke anden it ap inaharek heraharuk atikikon epmano onggo ninggik emparen angge nin inim at og isahuk-o,” ulug yig epag.

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 13:37

Yig ituk apagma, at Petrus etnowen yig ituk wilil, “Hat kidia mug naplug lao hai yig nerehen ari, keroho ulug yig nerehen-o? Ariroho yig nerehen oke, Nowe, an nebe etno Hat ninim-at ninusukag ulug nahla buruk ahi-o,” ulug yig epag.

Yohanes 15:13

Eke at ap misig etno omini inake waratuk etno, omini indi hunduhuk wilil waratuk-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

1 Timotius 4:8

Eke inebe inoag wereg amag ulug yanggul sawon etno fano-at oke, eke inindi oag wereg amon ari yanggul saruk halug mondog fano at-o. Ariroho nindien yanggul saruk halug, kidia inim, eke fobik inim niniluk welamon etno holahuk-o,

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.