1 Korintus 13:13 - Allah Wene Hurumbik Keron

¹³ Eke ari halug, ninindi demat ulug ebetuk aheon epmano inim, eke fobik suhu ulug ninahla buruk aheon etno inim, eke ninindi hunduhuk welaheon epmano inim, alem henahan ari mondog wereg-o. Eke ariroho wereg oke, ninindi hunduhuk welaheon epmano alem suon-at wereg-o.

1 Korintus 13:13 ပူးပေါင်းရင်းမြစ်များ

Lukas 10:27

at ap etnowen yig ituk wilil, “Alem misig ari Hinikni Allah hinim hinindi hunduhuk welahep ari fam, hinobabut fanoroho suruk wilil, hinoag weregsoho hinim welamuk-o, ulug alem misig ari yig hirihi-o. Eke alem misig ari, hit hinebe fano welamuog ulug suruk ahep ari hag, it hinomini hinim fanoroho hinindi hunduhuk welamuk-o, ulug alem misig ari yig hirihi-o,” ulug yig ituk apagma,

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

1 Korintus 14:1

Eke ari halug, aphe hinim hinindi hunduhuk welamon etno huluog ulug suruk amiek-o. Eke At Roh Kudusen og hisarukon etno hinindi ebetuk wilil, holaruk amiek-o. Eke Allah wene hinindimuen walug yig isaruk amon etno inim mondog hinahientoho holaruk amiek-o.

1 Korintus 16:14

Eke yi angge di angge suruk wilil, aphe hinim hinindi hunduhuk welamuk-o.

1 Korintus 3:14

Eke at ap misihen o andorli etno fam faltision etno hondok nenggeg eleg oag weregsoho welaruhu halug, ap etno yabuk onggo og iruhu-o.

1 Korintus 8:1

Eke kidia wam usa surukon nawon etno farim alem yig hisamin-o. Wam inu fam kwanangge usa surukon epmano nit obog-at alem niniluk atisi-o. Eke alem surukon etno-at niniluk welamon etno fam niren suontepataruk aheon oke, ninindi it aphe ninim hunduhuk welamon epmano fam aphe inindi werehep isaruk ahe-o.

1 Korintus 8:3

Eke at ap misig indi Allah inim hunduhuk wereg halug, At Allahen ap etno iluk wereg-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

2 Korintus 5:15

Eke ari halug, nit kidia niniluk welaheon epmano nit ninahla buruk aheon sukon epmano sohorep isalug, At ninake warapareg iluksoho minapahon etnowen ahla burukon etno-at niren suruk amag ulug ninake warapag-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Filipi 1:9

Eke an hit hinake sembahyang uruk wilil, duroho uruk ahi-o, hit hinindi hunduhuk welamon etno inim, eke yi wene di wene obog-at hiniluk amon etno inim, eke du fano du dag ulug hinindimuen ebebukon etno inim, obog-at su amag ulug hinake sembahyang uruk ahi-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

Kolose 3:14

Eke hele homaharuk etno hag, hinebe misig-at dambulig wilil, hinindi misig-at welamiek-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 5:8

Eke nit o ilingge udaki neken welaheon epmano nit noho kunkan seheg eleg wilil aso fanoroho welamuk-o. Nit ninindimu demat ulug ebetuk wilil, aphe ninindi hunduhuk welahe etno hele sing neken yihik welahe-o. Eke inunggulasum oag werehon wantaruk etno hag nit fano ninabuhu-o ulug ninindi ebetuk aheon ninunggulasum neken-at wantuk-o.

1 Timotius 1:5

Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

2 Timotius 1:7

Ari halug, At Allahen Roh Kudus og nisarisireg fam ninakoltoho welahe fug-o; eke Aren angge Roh Kudus etnowen oag werehon etno inim eke ninindi seberohon etno inim, kelegsoho og nisaruk-o.

Ibrani 10:35

Ari halug, hinindi oag weregsoho-at welamuk-o. Ariroho wereg hisalug onggo fanowon etno anggolo-at og hisahu-o.

Ibrani 10:39

Eke nit hag, ninambit ulug ninolohore wilip atuk ahe fug etno fam, fobik o dagma luog ulug welahe fug-o. Nit ninindi demat ulug ebetuk ahe ari fam, fobik Aren ninili wahu-o, ulug ebag.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

Ibrani 6:19

Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Yohanes 2:10

Eke ap misihen, “Nomin du nindi-o,” ulug uruk halug, ap ari o selegma wereg-o; o selegma wereg ari, aren omin indi dahapsuruk eleg-o.

1 Yohanes 2:14

Nudaki-o, hit At Ninikni hiniluk ari famen, anden holal du bal hisihi-o. Niknisi-o, hit At almen welapareg kidia werehon etno hiniluk ari famen, anden holal du bal hisihi-o. Nomini-o, hit elege wilil, hinoag weregsoho welahep ari famen, anden holal du bal hisihi-o. Eke hinindimu Allah wene etno wereg-o. Hiren iblis dahon etno apmarepfirikip-o.

1 Yohanes 2:24

Ari halug, bilin yig hisebahon etno-at hinindimu ebeberiuk-o. Ebetuk hisalug, At Yesus Ikni Allah hinim dambuksoho welamuhup-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.

1 Yohanes 3:9

Eke it obog Allah udakion halug, dag suruk eleg-o. Inikni Allah ilitoho atusa halug, dag suruk inapeleg atisi-o.