1 Korintus 13:1 - Allah Wene Hurumbik Keron

¹ Eke an aphe inune epmano inim, it Allah malaikat inune epmano inim obog-at uruk wilil, aphe nindi hunduhuk eleg welatlemen, an nebe etno ik oag ebe honanggo elehon une keng uruk etno hag nabutse-at welatle-o.

1 Korintus 13:1 ပူးပေါင်းရင်းမြစ်များ

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Markus 16:17

Eke it nin An nawene etno inindimu eberoko wahubon halug, it apheyen fog inaptuk amag ulug, sukfuganggeroho suruk wilil, it setan inindimu kurukon epmano An ninuk fam lisoko wilip iseheg, eke inune inapelehon-at eheg suruk amuhup-o.

Roma 14:15

Eke hiren yi angge di angge yuhun-at naruk ahep etno fam it hinomini inindi dahap isaruk ahep ari, inebe epmano hinindi hunduhuk wilil suruk ahep fug-o. Eke at ap misihen Kristus an nake-at warapag-o, ulug ahla burukon etno hiren yi angge di angge yuhun-at naruk hisalug, indi oag eleg am nowen-o.

1 Korintus 12:10

Eke at ap misig it apheyen suk haion epmano suruk amag ulug og ituk-o. Ap misig Allah wene indimu waluhen yig isaruk amag ulug og ituk-o. Eke ap misig it aphe yi angge di angge surukon epmano du fanowon du dahon ulug oag del inaptuk amag ulug og ituk-o. Eke at ap misig aphe inune unggut inapelehon epmano uruk amag ulug og ituk-o. Eke at ap misig aphe inune unggut mirlaloko yanggul isaruk amag ulug og ituk-o.

1 Korintus 12:16

Eke at ap misig esanggo etnowen uruk wilil, “An etno ap ilanggen hag welahi fug du, ap ebe ninim welahe fug-o,” ulug ariroho elepmen, ari fam ap ebe inim welamon etno sohorep iselep buruk ahep ano?

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 13:8

Eke at ap misig aphe inim indi hunduhuk werehon ari eleg aruhu fug-o. Eke wene indimuen walug aphe yig isarukon ari hag eleg aruhu-o. Eke it aphe inune akelehon urukon ari inim eleg aruhu-o. Eke yi angge di angge alem iniluk atukon ari obog-at eleg aruhu-o.

1 Korintus 14:2

Eke at ap misig une akelehon-at yig isarukon ari, it aphe inesanggo holtuk eleg iseheg, At Allah-at yig ituk-o. Ariroho yig ituk wilil, At Roh Kudusen wene herahowon-at yig itukmu yig isarukon oke, it apheyen At une etno inesanggo holtuk eleg-o.

1 Korintus 14:4

Eke at ap une akelehon urukon ari at indi-at oag werehepataruk-o. Eke at ap Allah wene indimuen walug yig isarukon ari it Allah udaki obog wene ebe etno yanggul isaruk wilil, inindi oag werehep isaruk-o.

1 Korintus 14:5

Eke anden hit obog hinune akelehon-at uruk atlep fano-o, ulug nahla buruk ahion oke, eke Allah wene hinindimuen walug yig isahup ari hag mondog fano nahla buruk ahi-o. Eke at ap misihen it Allah udaki epmano inindi ebebukag ulug une akelehon mirlaloko yig isaruk eleg halug, it inakeleg inune urukon ari doron apmon neken-at wereg-o. Eke Allah wene inindimuen walug yig isarukon ari hag alem suon neken-at wereg-o.

1 Korintus 8:1

Eke kidia wam usa surukon nawon etno farim alem yig hisamin-o. Wam inu fam kwanangge usa surukon epmano nit obog-at alem niniluk atisi-o. Eke alem surukon etno-at niniluk welamon etno fam niren suontepataruk aheon oke, ninindi it aphe ninim hunduhuk welamon epmano fam aphe inindi werehep isaruk ahe-o.

2 Korintus 12:4

Eke ariroho walug lahabagma, eke yi angge di angge inune aphe inambiliken uk haion-at oke esanggo holfag-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

1 Timotius 1:5

Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

Wahyu 14:2

Nilang­gen isaruk atikikseg, eke fobik ik hul amburuk wilil une uruk etno neken, eke serlemban une etno neken boholmen une suon urukmu holtikik-o. Nesanggo holtuk atikikseg, nilanggen haruk heheg, iren binggon e fam sehon inuk gitar ilitoho etno urukmu nilanggen isarikik-o.